4volumen/o PV

volumeno

1.
FIZ Fizika grando, esprimanta la mezuron de la spaco okupata de objekto: la dimensioj de volumeno estas `M^0L^3T^0`. la variado de la volumeno de gaso depende je la temperaturo kaj premo; specifa volumeno (la volumeno de 1 masunuo da substanco); se specifa volumeno de oksigeno devus havi pezon de 1 kilogramo – laŭ sia nombro de la protonoj en ĉiu atomo – en la realo, ĝi pro la aldonaj neŭtronoj fakte havos pezon de preskaŭ 2 kilogramoj [1]; la aŭtoro konsideras grandojn, derivitajn el bazaj kvantograndoj (maso, volumeno kaj substanckvanto) per frakci-formaj rilatoj [2]; Gronlando, kovrita de dikaj glaĉeroj, la glacia volumeno estas 3 000 000 km3 [3]; kvankam bonkreskaj, [ili] havas muskolojn kovritajn de graso kaj pli grandan volumenon, ol forton [4]. VD:kuba metro
2.
MAT[5] Mezuro de solido: la volumeno de kubo egalas al la kubo de ĝia eĝo; la volumeno de sfero estas proporcia al la kubo de ĝia radiuso; el ĉiuj solidoj havantaj saman areon la sfero havas la plej grandan volumenon.
3.
EKON Vendosumo, kiun atingas iu merkato: oni enportis ĉirkaŭ 600 aŭ 800 miloj da litroj ĉiutage, dume, la produktado de biero apenaŭ atingis trionon de tiu ĉi volumeno [6]; la volumeno de ekstera komerco de la ok novaj EU-membroj pliiĝis en la periodo 1990-2003 de 62,5 miliardoj al 370 miliardoj da eŭroj [7]; la volumeno de la industria produktado en Ĉinio kreskis je preskaŭ 10 % [8]. VD:kapacito
4.
Kapacito2.b: kesto kun granda volumeno, sed malgranda pezo. VD:amplekso, enhavo
5.
Neklare konturita aŭ malfacile priskribebla objekto tridimensia: ŝian atenton kaptis la luksa volumenego de oketaĝa, evidente ĵus konstruita domo [9]; ŝia volumeno estis ege ampleksa kaj ŝiaj astronomie ŝvelaj konturoj kaŭzis angoron al junaj viroj [10]. SIN:maso1
1. Monato, Pejno Simono: Moderna minaco: radioaktiveco, 2011
2. Monato, Anna kaj Mati Pentus: Lingvo, Interreto kaj ... alio, 2008
3. Monato, Walter Klag: Klimatŝanĝaj fabeloj, 2012
4. Henryk Sienkiewicz, trad. Lidia Zamenhof: Quo Vadis, Ĉapitro XXVIII
5. Raoul Bricard: Matematika Terminaro kaj Krestomatio, p. 30
6. Monato, Centra Ameriko: Nepre ĝia nomo estas Meksiko
7. Monato, Evgeni Georgiev: Profunda strukturŝanĝo en meza kaj orienta Eŭropo, 2004
8. Monato, Evgeni Georgiev: Bonaj perspektivoj por 2014, 2014
9. Mihail Bulgakov, trad. Sergio Pokrovskij: La majstro kaj Margarita, ĉap. 21
10. Ferenc Szilágyi: Koko Krias Jam!, I
angle:
volume
beloruse:
аб'ём
bretone:
volum
ĉeĥe:
kubatura, objem
ĉine:
3. 市场容量 [shìchǎngróngliàng], 市場容量 [shìchǎngróngliàng]
france:
volume (mesure)
germane:
Volumen 3. Marktvolumen 4. Fassungsvermögen
greke:
όγκος
hebree:
נפח
hispane:
volumen
hungare:
térfogat, terjedelem
japane:
体積 [たいせき], 容積 [ようせき], 容量 [ようりょう], かさ
nederlande:
volume (inhoud), inhoud
pole:
2. objętość
portugale:
volume
ruse:
объём specifa ~o: удельный объём.
slovake:
objem
ukraine:
об’єм, маса, обсяг

volumenaĵo

[11]
1.
MAT(arkaismo) Solido, precipe se ĝi havas finian volumenon.
2.
TEK Kromsubstanco aldonata al la ĉefa substanco por plenigi volumenon, kompaktigi, remburi ktp: asfalto […] estas kapabla ligi la grajnojn de volumenaĵo (ekz-e gruzo) kaj tiel konsistigi firman kaj elastan materialon [12]; ŝaŭmigita volumenaĵo
11. Raoul Bricard: Matematika Terminaro kaj Krestomatio, p. 30
12. Jan Werner: Terminaro de betono kaj betonistaj laboroj
angle:
2. aggregate ŝaŭmigita ~aĵo: foamed aggregate.
beloruse:
1. цьвёрдае цела 2. напаўняльнік
ĉine:
砂石 [shāshí]
germane:
2. Zuschlag ŝaŭmigita ~aĵo: Schaumzuschlagstoff.
hispane:
1. volumen
ruse:
2. наполнитель ŝaŭmigita ~aĵo: пенный наполнитель.

samvolumena

MAT[13]
(p.p. solidoj) Havantaj saman volumenon.
13. Raoul Bricard: Matematika Terminaro kaj Krestomatio, p. 30
angle:
of the same volume
beloruse:
роўнааб’ёмны
france:
de même volume
germane:
mit gleichem Volumen
hebree:
שווה נפח
hungare:
azonos térfogatú
ruse:
равнообъёмный

administraj notoj

sam~a: Mankas fonto, kiu estas nek vortaro nek terminaro.