^*ŝut/i

(tr)

1.

Faligi ien substancon nefluidan, konsistantan el multaj apartaj, relative malgrandaj eroj, kiel seka sablo aŭ greno: ili ŝutis polvon sur siajn kapojn (por penti) [1]; lia edzino prenis kaj sternis kovrotukon […] kaj ŝutis sur ĝin grion [2]; ili prenis ĉiu sian incensujon kaj metis sur ĝin fajron kaj ŝutis sur ĝin incenson [3]; sinjorino Fradeko ŝutis unu duonon de la blanka pulvoro en unu el tasoj ^ChL ; en la tombon nun ŝutu teron, kiom ajn vi volas ^Hamlet ; mi disŝutis ilin per ŝutilo tra la pordegojn [4]. verŝi

2.

(figure) Grandnombre alporti, donadi: (figure) flatajn vortojn li ŝutis [5]; (figure) ili […] ŝutis komplimentojn al la aŭtoro ^DL ; la amaso disŝutiĝis kaj kuras en diversajn flankojn [6]; li ŝutas facilajn parolojn al li kaj postulas du ŝilingojn ^KrM ; la elektrokompanioj […] abunde ŝutas monon en la komunumon [7].

3.

Transmeti datumojn amase kaj sen zorgi pri ilia strukturo aŭ signifo.

Rim.: En la derivaĵoj alŝuti kaj elŝuti la prefiksoj esprimas rilaton al iu „Granda Bitujo“ (ĉefmemoro, ĉefkomputilo, servilo): oni alŝutas bitojn en ĝin kiel oni alverŝas akvon en samovaron aŭ teujon; oni elŝutas bitojn por sia uzo, kiel oni elverŝas teon por sia aparta uzo.

(tr)

1.

Aldoni ŝutante: (figure) li alŝutis novajn informojn [8].

2.

Transmeti programon aŭ datumon de periferia komputilo al ĉefkomputilo aŭ servilo, la malo de elŝuti: oni povas alŝuti 200 megabajtojn da dokumentoj (fotoj, filmoj, sondosieroj) monate [9]; oni jam alŝutis pli ol 200 filmetojn ^Kon11 ; [ili] faras en la propra libertempo fotografiojn pri si mem kaj poste alŝutas tiujn bildojn al la reto [10].

^PIV2 (tr)

Ĉirkaŭigi ŝutante, ĉirkaŭigi per abundo da: (figure) kvankam ĉirkaŭŝutataj per liaj favoroj, [ili] tamen insultas lin ^FK .

(tr)

1.

Eligi ŝutante: oni elŝutis la arĝenton, trovitan en la domo [11]; li elpelis ĉiujn el la templo […] elŝutis la monerojn de la monŝanĝistoj kaj renversis la tablojn [12]; [ili] elŝutas el kofroj ilian internaĵon [13]; [li] demetas la dorsosakon kaj elŝutas la kafon kaj foriras ^MortulŜip ; (figure) vagonaroj konstante envenis kaj elŝutis amasojn da homoj ^KrM .

2.

Transmeti programon aŭ datumon el ĉefmemoro aŭ servilo al krommemoro aŭ periferia komputilo, la malo de alŝuti: modernan Unikod-kapablan foliumilon vi povas senpage elŝuti de Microsoft aŭ Netscape [14]; por li krei elŝutejon ĉe Vinilkosmo estas rapidigi la morton de la KDisko, dronigi la eldonejon kaj kolapsigi la produktadon ^Kon11 .

(tr)

1.

Tre abunde kovri per ŝutado: [la] kampoj estas superŝutitaj de sablo [15]; ĉi tie sub la superŝutita supraĵo ni havas ne argilon, sed sablojn ^Metrop ; ŝiaj flaveblondaj haroj estis […] iom superŝutitaj per apenaŭ rimarkebla polveto el blanka pudro ^Marta .

2.

(figure) Tre abunde doni: oni forŝiris homojn […] superŝutis ilin per insidaj demandoj, batis per bastonoj [16]; [ŝin] superŝuti per donacoj [17]; Volter mortis maljuna, riĉa kaj superŝutata per honoroj ^Kandid . droni, flui

Ŝuti sur io: unuj dishakis la ŝtonegojn, aliaj ĵetis la fragmentojn en la kanalon kaj surŝutis sablon [18]; oni surŝutis la tutan korpon per soda pulvoro [19]; vi ĉirkaŭigus ŝin per amo kaj surŝutus per riĉaĵoj [20]; dum la rikolta sezono oni surŝutas grenon sur la varmegan asfalton por sekigi ĝin [21].