^*stamp/i ^PV

(tr)

1.

Marki per alfrapita desegno aŭ emblemo rekoniga, aŭtentiga, validiga...

a)

Almeti reliefan markon per frapo: stampi medalon, monerojn; la konstitucio entenas laŭvortan liston de la temoj konfiditaj al la Kongreso: […] stampi monon, fiksi ĝian valoron, reguligi la komercon [1]; [li] prenis de ie sigelilon, sur ĝin surblovetis, stampis sur la papero la vorton PAGATE [2]; oni povus denove stampi „stelojn”, sed nur por plezuro de numismatoj [3]. gravuri, sigeli

b)

Almeti inkan markon per frapo: sendenta maljunulo […] tuttage stampas leterojn [4]; ilia aparato krome stampas la daton kaj horon [5]; tuŝante ŝuojn, li stampas siajn fingromarkojn sur ilin [6]; (figure) la tempo tiamaniere stampis (kp gravuri²) sur ĉiu fenestrovitro sian bildon [7]; (figure) mi stampos (markos) la floron per mia signo! diris la limako [8]. presi

2.

(figure) Postlasi daŭran spuron, markon en ies spirito, vizaĝo, konduto ks: la vundado [estis] tiel ofta, ke tiu sperto stampis min [9]; li lasis sin pli kaj pli stampi de unu obseda ideo [10]; vidiĝis fizionomioj […] kiujn ĉiuspecaj malvirtoj […] stampis per signoj de morala degenereco [11]; (figure) laŭ [ili] esperanton spirite stampas okcidenteco [12].

3.

(figure) Karakterizi, distingi: oni devas jam delonge forpeli lin al diabloj kaj stampi lin, kiel friponon ^Metrop ! ŝia kostumo, la delikateco de ŝia vizaĝo, movoj kaj manoj, stampis ŝin per profunda disonanco kun la fono (medio) [13]; ĉiujn vortojn, kiujn li prononcis, stampis profunda saĝeco [14].

1.

Oficiala identiga marko, farita sur dokumento, monero kc per stampilo: nobeleco […] estas la ora monero, kiu portas sian valoron en sia stampo ^Fab3 ; ni klasos la dosieron kun la stampo „nesolvita“ [15]; la ŝtonabunda tero ne povis konservi la stampon de plandumoj [16]; poŝtaj stampoj kun teksto en la Internacia Lingvo [17]. emblemo¹, logotipo, patrico², sigelo¹

Rim.: En letero al Th. Cart, 24. Feb. 1907, O.V. p. 538-539, Zamenhof skribis: mi preferus doni por ĉiuj lingvoj la tradukon per verbo (kiel la tradukoj germana, rusa kaj pola), la ago estas: stampi; la rezultato: stampo; la instrumento: stampilo [18].

2.

(figure) Karakterizilo: la vivo ne havis ankoraŭ tempon necesan por marki sur ili sian stampon [19]; vi povas renkonti homon […] elegante vestitan kaj kun tiu speciala stampo, kiun donas nur la longaj rilatoj kun la altaj klasoj [20]; verko simpla, prezentanta unu el la scenoj de la ĉiutaga vivo, sed, farita de lerta kaj inspirita mano [ĝi] portis sur si la stampon de lerte kaptita kaj bone esprimita karakteraĵo, ravis la okulon ^Marta ; ŝajnas la tuta urbo loĝita de izvoŝĉikoj, [tiuj] komikaj, grasaj dorsokurbaj aperaĵoj, kiuj donas al Peterburgo karakteristikan stampon [21].

Ilo portanta sur sia ekstremo reliefan desegnon alfrapeblan: ŝranketoj por konservado de formularoj, stampiloj, kolorigaĵo [22]; en eta poŝtoficejo de la urbeto poŝtistino ĉiun matenon enpikas stampilon por ŝanĝi ties daton [23]; la pavimbatiloj ne devas plu esti nomataj virgulinoj, sed stampiloj, […] tio en la lingvo de la pavimistoj estas la plej nova kaj de nun la sole ĝusta nomo [24]. matrico, patrico

Brulmarki: estis ja li mem, kiu estis brulstampita per tiu krimo, li, kiu estis la malestimegita elpelito [25]! viroj estis kastritaj, blindigitaj je unu okulo per arda fero, kaj en ĉenoj, kun brulstampo sur la frunto [26].

Brulmarkilo: kiam li, kunpremante siajn lipojn, rigardis iun, tiu eksentis korpremon kvazaŭ bruligite de brulstampilo [27].