^*pres/i

(tr)

1.

Reprodukti tekston, bildojn ktp, kutime grandkvante kaj ĝenerale per apliko de inko al papero aŭ alia taŭga surfaco: la papero […] venis al la presisto, kie ĉion, kio estis skribita sur ĝi, oni presis kaj kunligis en libron, eĉ en multajn centojn da libroj [1]; mi faros, kion mi povos, ke la historio venu en la gazeton […] kaj oni ĝin presis [2]; oni presos […] nigre sur blanke nian tutan historion [3]; dum 10 jaroj Vytautas Andziulis presis 23 religiajn kaj patriotismajn libretojn [4]; EU preskribas presi sur cigaredskatoloj averton pri mortorisko [5]; la libro estas tiel nete tipografie aranĝita kaj presita, ke estas agrable teni ĝin en la manoj [6]; tiuj ĉi arĥaismoj […] ĉiam estos presataj en ĉiuj lernolibroj [7]; presi floraĵojn sur ŝtofo. stampi ^1.b

2.

printi

Rim.: Multaj lingvoj uzas unu saman vorton por presi ¹ kaj printi; tamen nemalmultaj esperantistoj sentas bezonon apartigi publikigan sencon netan (presi ¹) kaj la privatan, ofte malnetan kaj unuekzempleran printadon: Kiom da presitaj (publikigitaj) artikoloj vi havas? En pli frua epoko pro simila precizemo en Esperanto apartiĝis la vorto tajpi, kvankam ankaŭ ĝin multaj lingvoj ne distingigas disde presi. [Sergio Pokrovskij]

skribi

1.

Presa produktado de dokumentoj: la manuskripto […] estis sendita por preso en renoma rusa revuo [8]; la (duoble) ses supersignitaj literoj de la esperanta alfabeto […] kies tajpo, preso, printo, telesendado signifas problemojn, kostojn, tempon aŭ fiaskon [9]; la bindo kaj la preso estas perfektaj, la lingvaĵo senriproĉa [10]; la libro estas teknike laŭdinda, sen preseraroj [11].

2.

Presaĵo: gardu ĝin de la forgeso / per parolo en la preso ^FK .

3.

presarto

Rilata al presarto, uzata en presado: neniu povas protesti, se vi skribos […] per literoj presaj anstataŭ skribaj [12]; presa nigraĵo kaj papero ^BdV ; ĉerpita el la vortaro franca-esperanta de la Presa Societo [13].

Io, ia dokumento presita: per bildoj kaj presaĵoj ili tuŝis korojn de l' virinoj, vekis la indignon de l' popolo, kreis eĉ koleron ^VivZam ; servanto […] donis al ĉiu el ni ekzempleron de presaĵo kun la nomo de la mortinto en nigra kadro [14]; dum du monatoj presprovaĵoj atendadis ĉe la cenzuristo ^VivZam ; 1 600 000 presaĵoj, 8300 inkunabloj, 75 000 manuskriptoj, 100 000 ĉizaĵoj, […] kultura trezoro akumulita en la daŭro de kvin jarcentoj konsistigas […] la privatan papan bibliotekon [15]; en Usono la situacio estas simpla: presaĵoj de antaŭ 1923 estas liberaj de aŭtorrajtoj [16].

La metio kaj la arto presi, la profesio de la presistoj: en la epoko de Dante ne ekzistis en Eŭropo la presarto [17]; ni permesu al ni peketojn en la presarto […] por povi ĝui la senkompare pli grandan lukson de senĝeno [18]; Gutenberg en 1439 estis la unua eŭropano kiu uzis la presmaŝinon kaj la moveblajn tipojn en Eŭropo, inter liaj multaj kontribuoj al presarto estas la jeno: la invento de procezo por amas-produktado de moveblaj tipoj, la uzado de ole-baza inko por presi librojn, alĝusteblaj muldujoj, mekanika movebla tipo, kaj la uzado de ligna presmaŝino simila al la agrikulturaj ŝraŭbaj premiloj de tiu periodo [19].

Kompanio aŭ fabriko, kie oni presas: ĵus el la presejo ^BdV ; mi sendu al li ĉiun venontan kajeron tuj, kiam ĝi estos preta kaj eliros el la presejo ^DL ; Flandra Esperanto-Ligo disponas pri propra kompostejo kaj presejo; presejoj, kiuj ne posedas la literojn ĉ, ĝ, ĥ, ĵ, ŝ, ŭ, povas anstataŭ ili uzi ch, gh, hh, jh, sh, u^F .

(tr)

Post pretigo komisii al presejo la produktadon de verko: de l' bopatro li ricevis monon por presigi la broŝurojn ^VivZam ; ŝi skribadis nomojn kaj adresojn, enpresigis anoncetojn en ĵurnaloj ^VivZam ; vi povas en la nova eldono presigi „miljar’ post miljaro“ [20]; mi povus verki rekte en la germana lingvo kaj presigi la romanon ĉi tie ^Metrop .

1.

Maŝino por presi¹: mia preta produkto iras rekte al la rotacipresilo [21]. la apero de la kompakta disko plifaciligis ilian taskon, sufiĉas ja disponi pri komputilo kun gravurilo kaj presilo por eldoni tiom, kiom oni bezonas [22]; falsaj moneroj estas amasproduktataj […] uzanta rondajn, malplenajn diskojn eltranĉitajn el latuna lameno, kaj la diskoj estas tiam stampataj per altpremaj presiloj [23].

2.

Maŝino por presi²; printilo: principoj de funkciado de inkŝprucaj presiloj estas esplorataj ekde fino de la 19-a jarcento [24]; kion la uzanto de paĝaranĝa sistemo vidas ekrane, tion la uzanto ricevas ĉe la presilo [25]; kompare al inkŝpruca presilo, laseraj presiloj estis ĉiam tre multekostaj [26]; ĉar tiuj teknologioj estas novaj, problemoj aperas de multaj flankoj: presiloj, virusoj, spamo, ... [27].

Profesiulo pri presado de dokumentoj: tio estas tre antikva nomo; li estis ja la unua dana presisto [28]! tre konata recenzisto / skribis foje en recenzon / saĝan frazon, kies sencon / fuŝkripligis la presisto [29]; ĉar tiuj ĉi literoj estas uzataj tre malofte, tial neniu presisto volos prepari por ili apartajn tipojn [30]; la presisto verŝajne volus presmaŝinon, kiu kapablas presi kvar kolorojn samtempe [31].

(tr)

Prese republikigi verkon sen korektoj aŭ modifoj: havante la karakteron de fundamento, la tri verkoj represitaj en tiu ĉi libro devas antaŭ ĉio esti netuŝeblaj [32]; neniu havis la ideon ĝin represi kaj diskonigi ^VivZam ; li diris tion ĉi ankaŭ siatempe en la gazeto „L’Espérantiste“, kiam li represis tie diversajn partojn de tiu artikolo [33].

Presa republikigo de verko, eventuale en nova formato, kun neŝanĝita enhavo: epokfara traduko […] denove havebla pro ĵusa represo [34]; la intencoj de dramo, kies celo ĉiam estis, estas kaj estos: prezenti kvazaŭ spegulon de la naturo, montri al la […] responda tempo la represon de ĝia formo ^Hamlet ; La Nova Testamento […], eldonita de La Brita kaj alilanda Biblia Societo, jam en 1912, kun tuja represo en 1913 [35]; lia verko preskaŭ forgesita restas nun sen represoj [36].

Ordinare broŝura eldono de artikolo el pli ampleksa verko, el faka gazeto aŭ simila: aparta depreso el Sciencaj Studoj 1958 [37].

Faksimilo de dokumento farita per fotado: oni deziras altkvalitan skanaĵon, ekzemple por fari fotorepreson [38]; La Originala Verkaro [kies] diversaj dokumentoj estis kolektataj kaj ordigataj de Johannes Dietterle kaj eldonataj de Hirt & Sohn en la jaro 1929 en Lepsiko, fotorepreso aperis en 1983 en Osaka ĉe Oriental-Libro [39].