^*skal/o ^PV

1.

Rilato inter la dimensioj de du diverse grandaj objektoj.

a)

Proporcio inter la efektivaj dimensioj de objekto kaj la dimensioj de desegnaĵo aŭ modelo, kiu figuras ĝin: en neniu farebla desegnaĵo ni povas desegni samtempe la orbitojn kaj la planedojn laŭ la sama skalo [1]; [ili] montris modelon de nia planeda sistemo en skalo 1 : 2 400 000 000 [2]; en la fundo de la halego diversaj metiistoj konstruis plenskalan domon ^KrM . difino², formato

b)

Simbolo montranta la skalon de desegno per linio dividita per streketoj kaj apudaj indikoj de la efektivaj distancoj.

c)

Serio de streketoj aŭ indikoj, kiujn montrilo aŭ alia mezurilo atingas, tiel montrante la rilaton al iu mezurata grando (temperaturo, premo, rapido...): la 32 gradoj de la kompasa skalo ^MortulŜip ; nanometra skalo [3]; pritaksi la prononcon de parolantoj laŭ du skaloj [4].

2.

Serio de interrilataj gradoj de mezuro: brizo [je] indico 4 - 6 de la Boforta skalo ^MortulŜip ; tertremo […] supera eĉ al 6 gradoj de la skalo de Richter [5]; bona oratoro […] havas je dispono vere grandan skalon: de 60 ĝis proksimume 180 vortoj en minuto ^Ret .

a)

Orda, norma serio de tonoj: plurskalaj instrumentoj ^Rsp ; ni ne bezonos plurkordajn aŭ ĉiaskalajn instrumentojn por la kantoj kaj melodioj ^Rsp ; „Bob, Bob, Bob!“ ŝi kriis laŭ kreskanta skalo ^ChV . gamo¹tonalo

3.

(figure) La mezuro laŭ kiu oni taksas iun aferon; la kadro ene de kiu oni ĝin taksas: de kie vi tion scias? […] ― la princo travivis la samon, sed laŭ pli vasta skalo [6]; li dum la jaroj 1944 kaj 1945 gvidis […] vastskalan organizon je la nomo de Sveda Ruĝa Kruco ^VojaĝImp ; vi pruvos per faktoj, ke simplaj laboristoj povas senpere interrilati laŭ tutmonda skalo ^Lanti ; kulturaj aranĝoj en landa skalo ^EeP ; mondskalaj kulturaj interŝanĝoj ^EeP ; la evoluo estos treege longa […] laŭ nia temposkalo ^ChV ; ŝi ŝtupis iom supren sur la estimskalo de la eleganta snobulino ^ChV ; la okuloj estas la plej karakterizaj: […] sur tiu skalo troviĝas esprimoj de la atentigo ĝis la neglekto kaj riproĉo ^LGA ; aranĝi plezurprogramojn en granda skalo por […] la tuta somero ^ViV . mezurilo, mezurŝnuro, normo¹

(tr)
Grandigi aŭ malgrandigi en ĉiuj dimensioj, konservante proporciojn de la partoj: oni simple amplifis la sonon sen skali la intonacion [7].

Facile projekciebla al granda aŭ malgranda prezento aŭ amplekso, adaptebla al pli vasta aŭ pli malvasta apliko: du ĉefaj manieroj prezenti konturajn skaleblajn tiparojn [8].

Neampleksa, relative malvasta, koncernanta malmultajn homojn: inter tiuj eldonejoj troviĝas kelkaj […], kies eldonado estas tre malgrandskala [9]; ruinigante la […] etskalan agrikulturon [10]. niĉa

Ampleksa, tuŝanta multajn lokojn, kun gravaj sekvoj: la unua grandskala vojaĝo, en kiu esperanto estis praktike uzata ^VojaĝImp ; [li] dediĉis tiom da horoj al la kreo de grandskala romano – ĉirkaŭ 150 000 vortoj ^KPr ; ili aldonis la pli detalan kaj pli grandskalan geologian karton kun apartena priskribo ^ViV ; preskaŭ certe en Koreio okazis grandskala fraŭdo [11].