^*rimen/o ^PV

Longa mallarĝa bendo el ledo aŭ simila fleksebla fortika materialo, uzata por ligi, fiksi ion aŭ por transigi movon de iu rado al alia: eĉ […] rimenon de ŝuo mi ne prenos el ĉio, kio apartenas al vi [1]; la ĉefkapitano ordonis konduki lin en la fortikaĵon, kaj […] ili ligis lin per rimenoj [2]; rideto ĉirkaŭis lian buŝon kaj pli vigle li tiradis la ŝuistan fadenon, dum la piedo pli streĉe tiris la streĉrimenon [3]; ili returnis ambaŭ samtempe la rimenojn (vd brido) de siaj ĉevaloj ^DKM ; Benoe ektiris la bridorimenojn, por malakceli la kuron de la bestoj ^Iŝtar ; ĉiuminute li rigardis, ĉu la buŝrimeno estas tie, kie ĝi devas esti, ĉu la rimenoj ne implikiĝis ^VRA ; [ili] instruis al li prilabori permane cervajn haŭtojn, por ke ili iĝu molaj kaj delikataj, eltranĉi el haŭtoj rimenojn ^Ĉukĉoj ; ni imagadis kiel aspektus tiu maro el ŝraŭbetoj kaj rimenoj, kiuj aperus, se ni scius levi la metalan haŭton de maŝinoj [4]; sur lia brusto brilis oraj leonkapoj, oraj platetoj garnis lian glavrimenon (vd balteo) ^MkM ; la ĉapelon, tenatan per blankleda mentonrimeno, oni surhavas [5]; la pojnrimeno (kp portepeo), fiksita je bastono, estu elasta [6]; se la virino menciis hundorimenon (vd kondukrimeno), Betsy poste venis kun ĝi [7]; la rimeno de lia tornistro lin premas [8]; mi ripozigos miajn brakojn, tenante la rimenojn de mia dorsosako [9]. ŝelko, zonoŝnuro

Rimeno ĉirkaŭliganta la kolon: ĝuste al li kuris, flarante la aeron, la malgranda hundeto Memeka kun mallarĝa, eleganta kolrimeno [10].

Rimeno ligita ĉe la kapo aŭ kolo de tirbesto, per kiu oni kondukas ĝin: dekstre sidis Timo, tenante la kondukrimenojn en la manoj [11]; libera de la brido de la logiko, kiu retiras la gvidrimenon antaŭ la eraroj ^VaK . kondukilo¹jungilaro

Rimeno kiu tenas la korpon de veturanto ĉe la seĝo por eviti elfalon okaze de kunpuŝiĝo; sekurzono: mi stircele eksidis en aŭton kaj traveturis, sen kroĉita sekurrimeno, kun sento de libero, Francion, Germanion, Aŭstrion [12]; se ĉasio kaj karoserio rezistas okaze de kolizio aŭ renversiĝo, la sekurrimeno savas nin [13]; li ne surhavis sekurecan rimenon ^ChR .