^*park/o

1.

Ĉirkaŭbarita, arboriĉa, taŭge flegata terspaco, servanta kiel publika aŭ privata promenejo; plezurarbareto: li kuradas en la reĝa parko kaj sur la remparoj [1]; alaŭdo en la Frederika parko [2]; ili elflugis tra la fenestroj de la palaco trans la parkon kaj la arbaron [3]; en granda parko, longa duonmejlon, kuris cervoj, kapreoloj kaj leporoj [4]; Li elkuris [kaj] malaperis en la aleoj de l' parko [5]; en angulo de la parko, ĉe la lago, troviĝis eta benko, kiu estis la sola atestanto de iliaj varmaj kisoj [6]. ĝardeno

2.

Naturrezervejo: ni serĉis en la urbo vojaĝagentejon, kiu ofertus al ni ekskurson al la nacia parko [7]; povas okazi, ke en la listo de mondaj kulturaj kaj naturaj heredaĵoj aperos ankaŭ nacia parko de la kurŝa terlango, dividita inter Litovio kaj Rusio [8].

Terspaco provizita je pluraj ludiloj por infanoj kaj plenkreskuloj: Barbara ne estas en la amuzparko [9]; […] nek eniru spegulan labirinton de amuzparko [10]; mi faris demandon en Esperanto al amuzparko Port Aventura en Hispanio [11].

Naturrezervejo: ŝi konstatis, ke pli favoraj studeblecoj eble ekzistus en la ruanda parto de la granda naturparko de la vulkanoj [12]; la Regiona Naturparko Briero situas en suda Bretonio, inter la elfluejoj de la riveroj Vileno kaj Luaro [13].

(tr)

Provizore lasi veturilon stari en taŭga loko, dum oni ĝin ne uzas: parkumu la aŭton kaj alproksimiĝu al [la basenoj] [14]; la ĉeestantoj restis en siaj parkumitaj aŭtoj apud la preĝejo kaj aŭskultis radie dissendatan diservon [15]; en la urbocentro de lundo ĝis vendredo por parkumi necesas aĉeti […] specialajn biletojn [16]; (figure) ĉina satelito, kiun oni „parkumos“, se tiel diri, en la kosma spaco malantaŭ la luno [17]. parki (veturilon)

Loko destinita por parkumi veturilojn: ankaŭ ekzistas parkumejo interne de la hotelo [18]; oni ŝerce diras, ke la ĉefaj avantaĝoj ĝuataj de la lordoj […] estas senpaga parkumejo en centra Londono kaj, due, la plej bona klubo [19]. parkejogaraĝo, remizo

La ago parkumi: registaroj povos ankaŭ ebligi sekuran parkumadon de bicikloj [20]; la instanco responsa pri urba planado fiksas zonojn ekzemple por industrio, agrikulturo, loĝado aŭ por parkumado [21].

1.

La ago parkumi (parkumado) aŭ ties rezulta stato: parkumo sur trotuaro estas permesita en kelkaj landoj nur en lokoj, indikitaj per konvenaj trafiksignaloj; pripagi parkumon.

2.

(evitinde) Parkumejo: ni parkumis tuj ĉe la eniro, dum la parkumo por ordinaraj turistoj estis sufiĉe malproksime [22].

Rim.: Tiu uzo paŭsas la anglan etimon (car park), kiu efektive estas la fonto de la esperanta park·um-. Tamen en Esperanto park·um- estas bazo verba (konforme al la internacia signifo de la angladevenaj pruntaĵoj de la angla radiko en nacilingvoj), tial en Esperanto tiusence pli konvenas nomi la parkumadan lokon „parkumejo“. [Sergio Pokrovskij]