^*kontrakt/i ^UV

(x)
Laŭleĝe formale interkonsenti pri io (interŝanĝo, servo, entrepreno, formala interrilato kc): mi ne faras al vi maljustaĵon, ĉu vi ne kontraktis kun mi por unu denaro [1]? [li] kontraktis kun la holanda ŝipmastro […], ke li veturigu lin senprokraste al Venezio [2]; se vi aĉetos ĉion kaj lasos la domon al mi, ni povas tuj kontrakti [3]; mi atingis, ke li kontraktu vivasekuron favore al mi [4]; kontrakti pri servoj de poŝtelefonado [5]; EU […] kontraktas ĉiusemajne kun ĝis 1000 kromaj sendependaj interpretistoj [6]; kun kiu devis kontrakti en 1991 okcident-germana GEA, se ne kun la legitimita GDREA [7]? la altaj kontraktantoj (la partoprenantaj regnoj) intencas respekti la teritorian netuŝeblecon de ĉiuj membro-ŝtatoj de la Ligo kaj ilin defendi kontraŭ ĉia ekstera atako [8]. fiksi³, intertrakti, marĉandi, negoci

Laŭleĝa formala interkonsento pri io: ni faris la kontrakton ne skribe, sed parole [9]; frapis feniciaj komercistoj, dezirante fari kontraktojn pri la liverado [10]; se hodiaŭ estos farita la kontrakto, ni [konsentos] pagi antaŭe imposton por tri jaroj [11]; subskribi la kontrakton [12]; nuligi sian lukontrakton [13]; mi neniigos la kontrakton [14]; interŝtataj kontraktoj [15]; sendis lin al la reĝo de Maroko, por fari kun li kontrakton laŭ kiu oni liveros al li pulvon, kanonojn kaj ŝipojn [16]; pro la Viena Kontrakto (1735), farita inter Francio kaj la Imperio, li rezignis je Polio, gardante tamen la titolon de reĝo [17]; post la festeno donita al parencoj kaj al amikoj, estis subskribiĝonta la kontrakto de l’ geedziĝo okazonta inter Klotildo Burdano kaj Aleksandro Maziero [18]; ĵonglisto […] al ili proponis dungokontrakton por la beleta monsumo da 5 000 dolaroj ĉiumonate [19]; oni aliris al la notario por la donkontrakto, per kiu la ekssubregisto donacis al la iama posedinto de la kastelo la ruinojn [20]. ĉarto, konkordato, konvencio², traktato

Interregna kontrakto per kiu intermilitantaj ŝtatoj finas la militon: la Vestfaliaj Packontraktoj (de 1648a jaro) [21]; [Carter] en 1978 enkarcerigis en Kampo Davido egiptan prezidanton Anvar el Sadat kaj israelan ĉefministron Menaĥim Begin tiom longe, ĝis subigite subite ili subskribis packontrakton [22]; la faktaj elspezoj por la rekonstruo, faritaj en Bosnio-Hercegovino post la packontrakto en Dayton [23].

Jura kaj filozofia doktrino, unue formulita de Epikuro, priskribanta la genezon kaj esencon de la ŝtato per interkonsento de civitanoj (kontrakto inter la civitanoj), implica aŭ malimplica, pri tio, kiu kaj kiel regu: tion li (Hobbes) pruvas per la ideo de socia kontrakto, ideo kiun Spinozo, Rousseau kaj Lokeo poste disvolvigis [24]; junulo trovinte revolveron pensas unue pri si mem kaj, sentante la rompon de la socia kontrakto fare de la dominantoj, rompos siavice tiun kontrakton, atakante bankon [25].

Ekstera plenumanto de laboro komisiita de mendanta firmao: la japanaj agrokooperativoj fariĝis subkontraktanto de monopolaj kapitaloj [26]; ECHO nur administris la transportojn kaj liverojn de la helpmaterialoj, kaj do tute dependis de subkontraktantoj [27].