^*obstin/a

[obstin.0a.KOMUNE]

Firme restanta ĉe sia propra opinio aŭ volo, malgraŭ ĉiaj kontraŭaj admonoj: mi ne amas obstinajn homojn [1]; obstina infano; obstina kiel kapro ^PrV ; se homo ofte admonita restos obstina, li subite pereos sen ia helpo [2]; [ili] havas malmolan vizaĝon kaj obstinan koron [3]; arogantaj, obstinaj, ili ne timas insulti aŭtoritatojn [4]; oni devis plenumi ŝian volon, ĉar ŝi estis tre eldorlotita kaj tre obstina [5]; vivega kiel leono kaj obstina kiel bovo [6]; malfacilaĵoj […] prezentante obstinan kaj nevenkeblan taskon ^Marta ; mia patro, la maljuna tedulo, estas ja obstina kaj malsaĝa, kiel trabo [7]; saĝa kaj severa estis la patro, viro skeptika je revoj, sed obstina je laboro ^VivZam ; (figure) obstina batalo, malamo; (figure) dissaltos la obstinaj baroj inter la popoloj dividitaj [8]; obstine kaj sen ia fino plendi tute ne konvenas al la viro ^Hamlet . malcedema, nekonvinkebla, spitemamalmola²

(ntr)

[obstin.0i.KOMUNE]

Sekvi nur iun opinion aŭ decidon, ne lasante sin konvinki de aliaj: li obstinas en la silento; ne iru, ĉar […] vi falos de glavo […], sed ili obstinis, kaj iris sur la supron de la monto [9]; [ili] obstinas en siaj pekoj [10]; la konsidero de la eŭska konflikto kiel politika anstataŭ simpla banditismo, kiel obstinas la hispana registaro [11]; se dekstrulaj regantoj slavmakedonaj ne tiom longe obstinus, Makedonio estus jam la 29a NATO-membro [12]; la saĝularo obstinas sian opinion [13]; mi mem obstinas paroli al vi pri Jasmena, simple ĉar mi amas ŝin [14]. insisti, persisti, ripeti

[obstin.0o.KOMUNE]

Karaktero, maniero, agado de homo tro firma, neŝanĝema, necedema: l' espero, l' obstino kaj la pacienco, jen estas la signoj per kies potenco ni […] atingos la celon ^FK ; li […] riproĉis ilian nekredemon kaj korobstinon [15]; [li] havas […] celon, kiun li penos atingi kun nevenkebla obstino [16]; la patro […] trankviliĝis, kvankam li ne pardonis al la filino ŝian obstinon [17].

[obstin.0eco.KOMUNE]

Karaktero, konduto obstina: mi persistos sen obstineco; mi rompos vian fieran obstinecon [18]; ĉiu el vi sekvas la obstinecon de sia malbona koro, ne aŭskultante Min [19]; neniu estas egala al li je persisteco kaj obstineco dum batalo [20].

(tr)

[obstin.0igi.KOMUNE]

Firmigi en la jama opinio, deadmoni de ĉia cedo: la Eternulo […] obstinigis lian spiriton kaj malcedemigis lian koron [21]; neniu el vi estu obstinigita per la trompeco de peko [22].

[obstin.0ulo.KOMUNE]

Homo, kiu ne devojiĝas de sia maniero malgraŭ admonoj aŭ fiaskoj: ili estas grandaj obstinuloj [23]; ni ofte aŭdas, ke la demando de lingvo internacia devas esti solvata en alia, pli bona maniero, sed ke ni estas obstinuloj, kiuj volas nur Esperanton [24].