interval/o

1.

[interv.0o.distanco]

Regula, laŭmezura interspaco aŭ intertempo: traflugante en elektraj vagonaroj super la tersupraĵo arkoformajn intervalojn inter tuneloj de la metropoliteno ^Metrop ; la religia kredo […] donu enhavon kaj celon en nian vivon, sen kiuj ĝi estus nur nuda […] intervalo inter la naskiĝo kaj morto [1]; Pola Esperantisto […] kun kelkaj intervaloj, aperas ĝis hodiaŭ [2]; kun intervaloj de unu aŭ kelkaj jaroj, okazas multaj aliaj renkontiĝoj [3]; trajnoj veturas nur laŭ 30-minutaj intervaloj [4]; la intervalo inter la elŝprucoj, kiuj daŭras ĉirkaŭ 25 minutojn[…] estas 36-38 horoj [5]. distanco, intermito, periodo, spano

2.

[interv.0o.MUZ]

Interspaco, disiganta du notojn: la uzatajn tiam intervalojn (kvinto, seksto) nun oni nomas „vakaj“ [6]; uzo de disonancaj intervaloj [7]; ili donas nomojn al la plej malgrandaj intervaloj inter sonoj kaj klinas siajn orelojn [8].

3.

[interv.0o.MAT]

^PIV1 Aro de ĉiuj reeloj, troviĝantaj inter du reeloj `a` kaj `b`; pli ĝenerale: konveksa subaro de la aro de reeloj: la intervalon oni notas per skribaĵo de la tipo `[a,b]` (fermita intervalo, `a` kaj `b` apartenas al la koncerna aro), `(a,b)` (malfermita intervalo, nek `a` nek `b` apartenas al ĝi), `[a,b)` aŭ `(a,b]` (duonfermita intervalo); la reelojn `a` kaj `b` oni nomas randoj de la intervalo.

Rim.: La nocio estas vastigebla al nefiniaj valoroj de `a` aŭ `b`: `[a,+oo)` (ĉiuj reeloj pli grandaj ol `a`, inkluzive de `a`), `(-oo,+oo)` ktp.

[9]

(de reela potencoserio `S(x)` ĉirkaŭ `x_0`) Malfermita intervalo `(x_0-rho,x_0+rho)`, kie `rho` signas la konverĝoradiuson de la serio.