^*horde/o

Genro el familio poacoj (Hordeum), unujara greno kun longaj aristoj, kaj kies grajnoj estas uzataj por fari krudan panon, griosupon, por nutri bestojn aŭ por fabriki bieron: grenoj: tritiko, sekalo, hordeo, aveno, rizo, maizo, poligono, spelto, milio ^FK ; la lino kaj la hordeo estis batdifektitaj, ĉar la hordeo havis spikojn kaj la lino havis burĝonojn [1]; ŝi kolektadis sur la kampo ĝis la vespero, kaj ŝi draŝis tion, kion ŝi kolektis, kaj tio estis ĉirkaŭ efo da hordeo [2]; li ebenigis ĝian supraĵon, li disŝutas ja nigelon kaj disĵetas kuminon kaj metas tritikon laŭ vicoj kaj hordeon en la difinitan lokon kaj spelton ĉe la limoj [3]; sur ĉiuj kampoj ĉirkaŭe kreskis greno, sekalo, hordeo kaj aveno [4]; la fenicia proverbo diras: pli bona estas hordeo en la grenejo, ol oro en la dezerto [5]; belgaj alt-fermentadaj bierspecoj kun ĉirkaŭ 5 alkoholgradoj, leĝere lupolizita kaj farita el helkoloraj maltoj de apudmaraj hordeoj [6]; la bavara duko Vilhelmo la 4a, […] dekretis, ke por biero oni uzu nur hordeon, lupolon kaj akvon [7].

hordeo (Hordeum vulgare)
CC BY-SA 3.0  [8]

Specio el familio poacoj (Leymus arenarius), uzata por protekti dunojn kontraŭ erozio.

sablohordeo (Leymus arenarius)
CC-BY-SA-3.0  [9]