^*ĉast/a

1.

[cxast.0a.more]

Pura, senpeka pri seksaj aferoj: ne estu partoprenanto en la pekoj de aliaj, konservu vin ĉasta [1]; la saĝeco, kiu estas de supre, estas unue ĉasta, poste pacema, milda, cedema, plena de kompatemo kaj bonaj fruktoj, sen partieco, sen hipokriteco [2]; mi estas ĉasta knabino, ne virino malpura [3]; se vi edziniĝos, mi donos al vi dote la sekvantan malbenon: estu ĉasta, kiel glacio, estu pura, kiel neĝo, — vi ne evitos la homan kalumnion ^Hamlet .

2.

[cxast.0a.cxastiga]

Ne ekscitanta voluptajn dezirojn: ĉasta romano; kuraĝu nun ekpalpi mian korpon per malĉasta tuŝo [4]. deca, virga, virta

[cxast.0eco.virto]

Virto, sinteno de iu evitanta seksan diboĉon aŭ agadon: viaj animoj iel dekliniĝos for de la simpleco kaj la ĉasteco [5]; vi estu ekzemplo al la kredantoj, per parolo, per konduto, per amo, per fido, per ĉasteco [6]; ni promesis al ni reciproke fidelecon en ĉasteco kaj honesteco [7]; kune kun la ĉasteco forflugas ankaŭ la virto [8]. pudoro

[cxast.mal0a.voluptama]

Voluptama, diboĉa aŭ malpudora pri seksaj aferoj: virinon malĉastan aŭ senhonorigitan ili ne prenu [9]; iliaj blasfemaj kaj malĉastaj paroloj en la gastejo [10]; mi ne scias, ĉu mi estas pli malĉasta kaj pli malbona ol aliaj knabinoj [11].

[cxast.mal0ajxo.seksumado]

Malĉasta ago, kontraŭmora seksumado: ili faris malĉastaĵon kaj malnoblaĵon [12]; de interne, el la koro de homoj, eliras malvirtaj pensoj, malĉastaĵoj [13].

[cxast.mal0eco.sinteno]

Vivado, sinteno sekse diboĉa: via bofilino, malĉastiĝis, kaj ŝi eĉ gravediĝis de malĉasteco [14]; la piecon anstataŭis la lukso, la saĝon la malĉasteco [15].

[cxast.mal0ejo.bordelo]

Bordelo: ili adultas kaj iras amase en malĉastejojn [16]; vi aranĝis viajn malĉastejojn ĉe la komenco de ĉiu vojo kaj faris viajn fialtaĵojn sur ĉiu strato, vi estis ne kiel malĉastistino, kiu ŝatas donacojn [17]; en la malĉastejo, tio estas en la domo de la cezaro [18].

1.

[cxast.mal0i.seksumi]

Sekse diboĉi, malĉaste konduti: [ili] malĉastos, imitante lin [19]; ŝi faris malhonoraĵon […] malĉastante en la domo de sia patro [20].

2.

[cxast.mal0i.malvirta]

Konduti malvirte, malpie: tiu popolo komencos malĉasti post fremdaj dioj [21]; la juĝistojn ili ne obeis, sed ili malĉastis kun aliaj dioj kaj adoris ilin [22].

[cxast.mal0isto.viro]

Viro, kiu vivtenas sin amorante kontraŭ pago: ankaŭ malĉastistoj estis en la lando, ili faris ĉiujn abomenindaĵojn de la popoloj [23]; ne devas esti malĉastisto inter la filoj de Izrael [24]; ilia animo mortas en juneco kaj ilia vivo pereas inter la malĉastuloj [25]. prostituito, amoristo, amaĵisto

[cxast.mal0istino.virino]

Virino, kiu vivtenas sin amorante kontraŭ pago: la impostistoj kaj malĉastistinoj iras antaŭ vi en la regnon de Dio [26]; venis du virinoj malĉastistinoj al la reĝo kaj stariĝis antaŭ li [27]; Jiftaĥ […] estis heroa militisto, sed li estis filo de malĉastulino [28]. prostituitino, amoristino, putinoĉiesulino, stratulino