^*abomen/i ^UV

(tr)

Malamegi pro fizike naŭzaj aŭ morale malplaĉegaj ecoj: abomeni odoron, la mensogon, la militon; abomeni trinki akvon el la rivero [1]; ili abomenas min, malproksimiĝas de mi, ne timas kraĉi sur mian vizaĝon [2]; tiu homo abomenas sian staton kaj estas la plej malfeliĉa [3]; homo iafoje abomenas sin mem [4]; ŝi posedis tiun fierecon, kiu abomenas timon ^Marta ; mia animo abomenas la subtilajn intrigojn kaj la malnoblajn konspirojn [5]; oni perfidon prenas, sed perfidulon abomenas ^PrV . malestimi, malrespekti, malŝati

Kaŭzanta abomenon: via vino estas nur ia abomena acidaĵo [6]; kia abomena urbeto [7]! rigardu, kia abomena spektaklo, duone dispremita vermo, kiu ankoraŭ tordiĝas [8]; kia abomena faro! mortigi la ĉevalon, sur kiu la reĝo estis rajdonta [9]. naŭza

Sento de tiu, kiu abomenas: vi sentos abomenon antaŭ vi mem kontraŭ ĉiuj malbonagoj, kiujn vi faris. [10]; birdo, malbela kaj vekanta abomenon [11]; sin skuante de abomeno [12]; mia abomeno al tiu knabino komencas malfortiĝi [13]; kortuŝate de kompato pli ol de abomeno ĉe la vido de tiu terura mizerulaĉo [14]; mi kvazaŭ ŝvelis de abomeno kaj timo, sed mi ne povis krii, nek moviĝi ^FdO ; ŝi sentis eĉ ian abomenon kontraŭ manĝado ^Marta . malestimo, naŭzo

Io abomena: la diablo scias de kie oni alportas amasojn da diversa abomenaĵo [15]! de kie povis deveni tiu abomenaĵo, kiu krima mano ĝin skribis [16]; de kiam mi alvenis en Londonon […], mi vidis tiom da abomenaĵoj [17]! ĉiu abomenaĵo trovas sian adoranton ^PrV . feĉo², surfundaĵo²

Kaŭzi abomenon al iu, fari abomena; naŭzi: la nomon de Dio abomenigis al ili la falsa eklezia ideo pri Li [18]; vi abomenigis al vi vian patron [19]; ŝi aspektis kiel abomeniga pigmeino k [20]; [li] ne ĉesis plue abomenigi al Ursus mortigon kaj insisti, ke li faru la ĵuron [21].

Inda je abomeno; estanta tiel fia, ke oni devas ĝin abomeni: lepro mian tutan glatan korpon tuj kovris per abomeninda ŝelo [22]; abomenindaĵo [23]; vi abomenindigis vian belecon [24]. li fariĝis tre abomeninda, sekvante la idolojn [25]; la bufo estis terure abomeninda [26]; abomenindaj, venenaj serpentoj [27]; forkuri de la abomeninda kriado [28]; neniam okazis pli abomeninda maljustaĵo [29]. naŭza, terura, timinda