^*plan/o ^UV

1.

Antaŭe pripensita kaj ordigita aranĝo de efektivigota verko aŭ entrepreno: vi havas multe da energio en la efektivigado de viaj planoj ^Marta ; lingvo natura konstruiĝis blinde, […] tie agadis nenia logiko, nenia difinita plano, sed simple nur la uzo [1]; la domo estis finita en ĉiuj siaj detaloj kaj laŭ sia tuta plano [2]; mia koro divenas, ke vi, patrino, havas ian planon pri mi [3]; mi aranĝos mian vojiran planon laŭ maniero tia, ke mi estos devigata trairi Dinan’on [4]; intence kaj kun antaŭpretigita plano ili neniel volus malutili ^Marta ; ŝi estis […] preskaŭ flamigita de la nova plano, kiu venis al ŝi en la kapon, ke ŝi tute ne pensis pri manĝo ^Marta ; gigantaj planoj fermentas en mia kreema kranio [5]; vidu do tiun ĉi kuraĝan entrepreneman kapon, kiel ĝi forĝas kaj plenumas planojn, antaŭ kiuj la heroaĵoj de ia Cartouche kaj Howard tute malaperas [6]! la plano estas preta, — malfacila ĝi estis kaj eksterordinare arta, fidebla, certa [7]. ideo, intenco, metodo, programo¹, projekto²

2.

Desegno prezentanta konstruon, urbon aŭ regionon kaj montranta la situacion, la proporciojn kaj la rilatojn de la diversaj partoj: arĥitektoj kun planoj de novaj konstruaĵoj [8].

3.

Rilata malproksimeco en kiu troviĝas vidaĵoj aŭ en kiu estas perspektive metataj reprezentaĵoj en desegno aŭ pentraĵo: li ĉiam staris antaŭ miaj okuloj […], ĉiam sur la unua plano staris antaŭ mi la bildo de Bourlet [9]; [li] desegnis la fumiĝantajn trabojn apud la falegon minacanta kamentubo, sed sur la antaŭa plano (malfono) staris la granda floranta rozarbetaĵo [10]. fonoebeno, perspektivo, scenejo

(tr)

Fari planon¹: li planis vojaĝi al Oriento, tamen la unua mondmilito […] devigis lin veturi al Finnlando [11]; en nokto tiel serena […] ni planis nian estontan vivon [12]; reve li planis tiun mondon, kiu iam estos lia kaj tute laŭ lia deziro [13]; se estis planita murdo, kiu planis ĝin [14]?

Rimedo por fari planojn¹:

a)

Aplika programo en persona komputilo aŭ poŝkomputilo ebliganta manipuli negrandan datumbazon por registri kaj plani aranĝojn, taskojn, renkontiĝojn ktp: kompreneble disponeblas la funkcioj por kiuj la normaluloj kutime aĉetas poŝkomputilon: planilo, vekilo, telefona kaj geografia datumbazo, adreslibro [15].

Ne planita, senprepara, improvizita: estas tiel agrable vivi senplane [16]; la planlingvo Esperanto vere ne multe pli bone taŭgus por aviado ol iu etna senplana lingvo [17]; pli ol senplane kreskigi la stabon de organizoj, oni devas pensi pri tio kiel ĉiu homo en nia movado povas kontribui [18]; ĉiuj arbaraj birdoj devis forlasi sian hejmon, flugadis senplane kaj kriadis de timo [19]; Li kondukas propramane, ⫽ Zigzagante kaj senplane ⫽ Grimpas sur la trotuaron [20]; la senplaneco de la kunveno amuzis ilin [21].

Plano, per iu oni kunordigas laboradon dum difinita daŭro aŭ por difinta celo: estis komunikita la laborplano de UEA […] kaj donitaj sugestoj rilate ĝian realigon [22]; strategia laborplano estas kiel fruktarbo – eĉ tiu plej bone plantita ne donos fruktojn, se oni nur observos anstataŭ ĉiujare flegi ĝin [23].

Programo por plani itineron: kiam loknomo ne estas plene aŭ ĝuste skribita, la vojoplanilo revenos al vi kun listo da nomoj, el kiuj vi povas fari specifan elekton [24].