^*17scen/o

1.

Emociiga aŭ interesa vidata okazo: instrua, neforgesebla, naŭza sceno; unu sceno fiksiĝis en la memoro de Ramzes: sur la deklivo de monteto laboris tri gruoj: unu verŝis akvon el la rivero en la plej malaltan puton, la dua ĉerpis el ĝi […] [2]; la sola efektive erotika sceno de la libro [3].

a)

Senrompa agado de samaj rolantoj, subparto de teatra akto: la tuta sceno estas parolata per mallaŭtigata voĉo [4]; muta (senparola) sceno [5]; ŝi rakontis kelke da komikaj scenoj el la komedioj de Holberg [6]; la [...] reĝisoro sukcese kreas suspenson ekde la unua sceno [7].

b)

Figurado de homoj en tipa situacio: ĉiuj muroj estis kovritaj per pentraĵoj, prezentantaj scenojn el la vivo de l' antaŭuloj de Sofra: militojn, marajn vojaĝojn kaj ĉasojn [8]; Desegnoj kaj fotoj […] „tradukas“ scenon tridimensian en dudimensian surfacon [9]; vi tie trovas vere altvaloran vazaron kun la ŝatataj ĉasoscenoj, kiajn oni vidas sur malnovaj gobelenoj aŭ sur anglaj gravuraĵoj [10].

2.

Scenejo: oni aŭdas pafojn post la sceno ^Hamlet ; ĝi neniam estis donata sur la sceno ^Hamlet ; (figure) mia persono tute foriras de la sceno ^DL (rezignas je publika vidateco).

1.

Skizo de teatraĵo aŭ kinaĵo, prezentanta la rolulojn, lokojn, situaciojn, ĉefajn scenojn: vi estas verkanto de via propra viv-scenaro [11]; surbaze de kolektita materialo [ili] skribis scenaron kaj sekve preparis spektaklon [12].

2.

Klarigo de natura, socia aŭ teĥnika evoluo per elpensita, hipoteza sinsekvo kvazaŭ en scenolibro: advokato [...] deklaris, ke la saman scenaron uzis la polico antaŭ du jaroj [13]; neniu el tiuj du scenaroj (por klarigi ekeston de Venuso) estas vere pravigebla, certe ne laŭ aktualaj scioj [14]; povus esti, ke timoj kaj teruradaj scenaroj pri eksplodonta monda loĝantaro, priskribitaj antaŭ 50 jaroj, ne realiĝos [15]; kiom realisma estas tiu scenaro [16]?

Verkisto de scenaroj: la generaloj – rekte enhakiĝis en la disputon la scenaristo Gluĥarjov [17]; la scenaristo estas Genc Permeti el Albanio, kaj la reĝisoro Goran Pakalević el Serbio [18].

Loko, kie rolistoj ludas; sceno²: Semplejarov propraokule vidis la magiiston sur la scenejo [19]; lia karikaturo sur la scenejo [20]; per voĉo, plene kopianta la hieraŭ sur la scenejo aŭditan voĉon de Pariso ^Marta ; malantaŭ la scenejo [21]; sur scenejo antaŭ miloj da scivolaj spektantoj [22]; (figure) tiu okazo ŝovis la demandon pri Esperanto en la antaŭan scenejon. (figure) Irlando, Skotlando kaj Kimrio, kiuj ĉiu estas parto de la vasta scenejo, sur kiuj estas ludataj la dramoj de la sagaoj [23].

(tr)

Ĉion aranĝi por ludado de teatraĵo aŭ kinaĵo ĝis efektivigo: aŭstraliaj helhaŭtuloj enscenigis Freeman, aborigen-devenan, kvazaŭ ili kritikus [...] la pasintecon de sia lando [24]; la baleto „La konsekro de la printempo“ [...] surscenigita en Parizo en 1913 [25].

Kunordigisto de drama prezento, ekzercanta kaj gvidanta rolistojn kaj ceterajn agantojn: teatraĵo [...] devas elmetiĝi al kompetentuloj – aktoroj, reĝisoroj, surscenigistoj [26]; Csaba Kiss […] 1998 - 2000 Nova Teatro (Budapeŝto) – enscenigisto [27]. aranĝisto, koreografo, reĝisoro

Aranĝo kaj efektiva ludado de teatraĵo aŭ kinaĵo: defio estas traduki tiom komplete kaj fidele al la originalo, kiom eblas, sen perdi la esencan ritmon kaj elanon, kiu nepras por sukcesa enscenigo [28]; inter septembro kaj oktobro, estis montritaj ses novaj surscenigoj kaj kvin gastludoj [29]. koreografio, scenografio

(ntr)

Eniri scenejon, ekvidiĝi sur scenejo, sur publika loko: kiom da profesiaj aktoroj ni havas, kiuj kapablas kaj pretas ensceniĝi por prezenti spektaklon? [30]; danca dramo ‚Sonĝo en Dunhuang‘ ... mult-foje sursceniĝas en Pekino kaj aliaj landoj kaj kaŭzis fortan eĥon [31].