¹improviz/i

(tr)

1.

Tuj kaj senprepare verki: improvizi paroladon, versaĵon, muzikon; [li] frapadis la kordojn kaj […] komencis improvizi, serĉante grandajn komparojn en la spektaklo, kiu etendis sin antaŭ li [1]; kune kun la kolego li improvizas gajan dancon el la hejmaj montoj [2]; estas eĉ konsilinde kunmeti plurajn variantojn de la fino, tiel ke – laŭ la cirkonstancoj – oni povu elekti la plej taŭgan, […] aŭ improvizi novan finon el ilia kombino [3]; ĝi estis [laŭ] stilo libera kaj vigla kaj de la frapantaj kastanjetoj ricevas iom la karakteron de rava improvizado [4]; certe Vi havas imponan poezian talenton, sed ankaŭ ne forgesu, ke eĉ sur la suno troviĝas makuloj, kial Vi ne provu improvizi ― improvizi? pri kio? [5]? la juna komponistogeneracio jam eksperimentis per la hazardo, utiligis naturajn kaj teknikajn sonojn, improvizis kaj enkondukis grafikajn simbolojn anstataŭ muziknotoj [6].

2.

Senprepare organizi ion: improvizi manĝadon por neatenditaj gastoj; improvizita prelego; Jen la botelo mobilizas // Kaj via glaso improvizas // Vetkuron al najbara glas' [7]; mia impreso estas, ke kiel agento de ŝtato ekstera, Berenŝtam estis nur amatoro, fakte improvizis tiun rolon por si [8]; por bremsi kaj haltigi la krizan spiralon […] oni komence ŝajne iom improvizis: Usono savis la bankon Bear Stearns, poste ne savis alian bankon Lehman Brothers, kiu bankrotis [9]; la plimulto de tiuj institucioj luas lokon ĝenerale apenaŭ taŭgan, kiam kreskas la studentaro, la respondeculoj improvizas, starigante kursejon eĉ en antaŭĉambro [10].

Senprepare: improvize ludi rolon de la teatro, akompani per piano; li improvize kaj iranritme dancis [11]; li alkutimiĝis preskaŭ ĉiutage venigi Jozefon, por infanece ĝoji pri lia lerteco improvize elokventi laŭ malsamaj abstraktaĵoj [12]; la ĝendarmoj […] improvize ekrolis kiel flegistoj [13]; armeoj, […] organizitaj improvize, disponantaj minimuman armilaron, akiritan kontrabande [14]. provizore

Io verkita aŭ organizita senprepare; improvizado: ĵazo […] estas la voĉa improvizo surfone de improviza akompano [15]; oni trovos en la disko nek improvizojn de ĉefgitaro, nek tondrajn paŝojn de baso [16]; (oksimore) tamen ĉio kune pasis sufiĉe glate, kiel „bone preparita improvizo“ [17].

Homo, kiu kutimas verki aŭ rolludi senprepare: la vojaĝoj de Andersen en Italio aperis en lia unua romano, membiografio „La improvizisto“ [18]; kiel brilanta koncertorgenisto kaj improvizisto Dupré entreprenis multajn mondvastajn koncertturneojn [19].