^*najbar/o

1.

Iu, kiu loĝas proksime de alia: kelkaj homoj sentas sin la plej feliĉaj, kiam ili vidas la suferojn de siaj najbaroj [1]; (figure) malsaĝo estas najbaro de mizero ^PrV .

a)

Iu, kiu loĝas en apuda domo aŭ loĝejo: mia najbaro ordinare vizitas min ĉiutage [2]; ni havas bonajn najbarojn, kiel super ni, tiel ankaŭ sub ni [3]; izolitaj familioj, kiuj renkontante unu alian en la bazaro […] povis eĉ ne scii, ke ili estas najbaroj en la dezerto [4]; Plej proksima dom-najbaro ⫽ Loĝas je duona mejl' [5]; [li] pruntis de la najbaro ĉevalon [6]; sur ĉeval' de najbaro la ŝarĝo ne pezas ^PrV ; pli bona estas najbaro proksima, ol frato malproksima [7].

b)

Apuda lando aŭ popolo: oni parolis pri la malnova tempo, pri la najbaroj, la Angloj kaj Skotoj [8]; la Amonidoj, kaj kun ili ankaŭ najbaroj de la Amonidoj, iris milite kontraŭ Jehoŝafaton [9]; protekti la civilan paceman loĝantaron de la mondo kontraŭ militoj kaj samtempe ĝin defendi kontraŭ invadoj de unu najbaro ĉe alia, estas afero ne realigebla sur bazo de divido kaj de rivalaj suverenecoj [10];

2.

Iu, kiu apude staras, sidas ktp: kelkaj pasaĝeroj de la supera ferdeko de la 1—a klaso falis de la kanaj apogseĝoj sur la najbarojn ^FdO ; ĉe bankedo maljuna koketulino […] kliniĝas al sia najbaro kaj afekte demandas: – episkopa moŝto, ĉu vi kredas, ke Jesuo suferas, kiam li kuŝas sur la brusto de eleganta virino [11]? ŝia sovetia najbaro, kiu ŝian glason konstante replenigis, ne rimarkis la interŝanĝon [12].

proksimulo

1.

(iu) Rilata al apuda loĝanto: najbaraj familioj [13]; najbara malpaco [14]; la reĝido devis […] ricevi kiel edzinon la filinon de la najbara reĝo [15]; pri havo najbara oni estas malavara ^PrV .

2.

(io) Estanta proksime de io, apuda: la tegmento de unu najbara domo kuntuŝiĝis kun la tegmento de la alia domo [16]; najbara lando [17]; vidante, ke en la najbara ĉambro estas korteganoj, li diris per mallaŭta voĉo [18]; tri najbaraj nomesoj [19]; najbara insulo [20]; ŝi rimarkis en la najbara parko tiel belan ludon de koloroj [21]; aleo, najbara al la ĝardeno [22].

3.

a)

[23] (p.p. elementoj `a` kaj `b` de orda aro `(bb E,le)`) Tiaj, ke ne ekzistas tia elemento `c`, ke `a lt c lt b` aŭ `b lt c lt a`: entjero `n` estas najbara nur kun `n+1` kaj `n-1`; du racionaloj neniam povas esti najbaraj. antaŭanto, postanto.

b)

^KompLeks (p.p. pri du verticoj en grafeo) Tiaj, ke ekzistas eĝo, kies randoj ili estas; (p.p. pri du eĝoj en grafeo) Havantaj komunan randon.

(prepoziciaĵo)

Apud iu loĝloko, urbo, lando ks: najbare de l' arbareto aperis tute blanka urbeto [24]; najbare de la kaldrono, tra truo en la planko leviĝis teruraj […] malbenoj [25]; najbare kun ŝi laboris Ivagin ^Metrop ; vi do konstruis flankan domon […] najbare de la banejo [26]. apude de, flank-ĉe-flanke

Ĉirkaŭaĵo, proksimaĵo: troviĝis okazo, por veturi ĝis la plej proksima najbaraĵo kaj returne [27]; en la najbaraĵo de la piramidoj oni enterigadis nur kamparanojn kaj metiistojn de la ĉirkaŭaĵo [28]; grandaj armeoj […] detruas la kvietan najbaraĵon [29]; de kiam Klaro loĝis en la najbaraĵo de la palaco, lumo aperis la unuan fojon en la fenestroj [30].