^*mend/i ^PV

(tr)

Postuli, ke iu faru ian poste pagotan servon aŭ liveru ian poste pagotan komercaĵon: la veninto […] eltiris du orajn monerojn kaj mendis bonan vespermanĝon [1]; ili […] mendis por li novajn vestojn, ĉar liaj estis tute eluzitaj dum la vojaĝo [2]; ŝi mendis edziĝofestan veston, aĉetis edziĝofestajn kandelojn [3]; la princo sendis kelke da rajdistoj mendi ŝipojn sur la rivero [4]; evidente venis jam la tempo mendi ĉerkojn kaj kruci la manojn sur la brusto [5]; la hotela pordisto demandis al Brown: „ĉu vi jam mendis la ĉambrojn, sinjoro?“ [6]; lernolibroj ne ekzistis, kaj mendi ilin el eksterlando ne estis eble, ĉar la limoj estis ankoraŭ fermitaj [7]; al pentristo Cranach oni mendis portreton de kardinalo Albrecht de Brandenburg [8]; la redaktoro mendis al la poeto grandan kontraŭreligian poemon por la sekva numero de la revuo [9]; mendu atendu [10] (vi senfine atendos, vd klera); sciencon oni ne mendas, klerecon oni ne vendas ^PrV .

Ago mendi, postulo de varoj aŭ servo: esperante viajn baldaŭajn mendojn, mi restas serveme-verseme Raymond Schwartz, Butikisto [11]; la laboro, kiun vi nun faros, estas provo, kiu decidos pri pluaj mendoj ^Marta ; la laboro malfruiĝas, la mendoj ne estas plenumataj ĝustatempe ^Marta ; krei vivipovan lingvon, […] oni ne povas tion fari laŭ mendo en la daŭro de kelke da semajnoj [12]; la vetero estis kvazaŭ laŭ mendo (favora) [13]; ili akiris rapidan famon, la mendoj alfluis [14]; se viaj liveroj estos kontentigaj, kiel mi esperas, mi sendos al vi pli grandajn mendojn [15].

Dokumento, formularo precizigante la detalojn de mendo: mendiloj troviĝos en la Dua Bulteno [16]; pri la ceteraj […] reguloj konsultu la dorsflankon de la mendilo [17].

mendi ion antaŭ kiam ĝi estas liverebla, eventuale kun rabato: al ĉiu familio estis permesite antaŭmendi maksimume 30 000 brikojn – sufiĉan kvanton por unu domo [18]; necesas antaŭmendi la manĝojn, bonvolu anonci pri tio anticipe [19]; oportuna momento por antaŭmendi la libron favorpreze [20]. rezervi³

Nuligi mendon: per la sama formularo vi povas ankaŭ mendi kaj malmendi diversajn servojn; lastahore mi devis malmendi pro malsano; mi decidis malmendi mian vojaĝon en landon kiu tiom malvolas mian venon [21]; per la malmendo mi perdis pli da mono ol necesis krompagi [22].

Komando servanta por akiri informon el komputa sistemo (el operaciumo, el datumbanko, ofte en dialogo): ĝiaj paĝaroj troveblas […] ene de serĉilaj rezultpaĝoj laŭ informmendoj pri lingvaj demandoj [23]. serĉo