makedon/o ,

makedono, macedono

1.: Ano de antikva nordgreka etno, distingiĝante de aliaj grekoj pro traka kaj iliria influoj: oni kure kolektiĝis unuanime en la teatron, ekkaptinte Gajon kaj Aristarĥon, Makedonojn, kunvojaĝantojn de Paŭlo [1]; ni ekveturis sur la maron, havante kun ni Aristarĥon, Makedonon el Tesaloniko [2]; heroo Aleksandro kondukadis viajn macedonojn al la batalo [3]; la antikva sciulo Strabono (63-20 antaŭ la komuna erao) notis en la sepa volumo de sia Geografio, ke „iliroj kaj makedonoj parolas saman lingvaĵon [kaj] havas similajn morojn kaj kutimojn“ [4].
2.: Ŝtatano de Nordmakedonujo, respektive ano de ties ĉefa sudslava etno: registaro, en kiu superregas etnomakedonoj kaj iliaj partioj, ne volas dividi la komunan riĉaĵon kun albanoj kaj plejeble sabotas plenumon de la Ohrid-interkonsento [5]; oni prezentis Aleksandron la Grandan kiel sametnulon de la nuntempaj makedonoj, ankaŭ patrinon Tereza kiel makedoninon kaj ne albaninon) [6]. okazis surstrataj konfrontoj inter slavomakedonoj kaj albanomakedonoj en Skopje [7].

1. La Nova Testamento, La agoj 19:29
2. La Nova Testamento, La agoj 27:2
3. Frederiko Schiller, trad. L. L. Zamenhof: La rabistoj, Akto Kvara
4. Monato, Bardhyl Selimi: Ridinda aserto
5. Monato, Bardhyl Selimi: Neniu paco sen interkonsento
6. Monato, Bardhyl Selimi: Per into al onto
7. Monato, Bardhyl Selimi: Bruligita la flago

: Rilatanta al makedonoj¹ aŭ ², ilia nacieco aŭ ŝtato: Aleksandro Macedona ^FK; la reĝo Macedona Filipo respondis al siaj amikoj ^FK.

1.: En la historio, lando norde de Grekujo, loĝata de makedonoj¹: post kiam li vidis la vizion, ni tuj penis foriri en Makedonujon, konkludinte, ke Dio vokis nin, por prediki al ili la evangelion [9]; Paŭlo intencis en la spirito, trapasinte Makedonujon kaj la Aĥajan landon, vojaĝi al Jerusalem [10]; Aleksandro de Macedonujo ^FK.
2.: Nordmakedonujo: Bulgara abio estas […] indiĝena en la montaroj de Balkana duoninsulo, ĝi troviĝas en Bulgarujo, norda Grekujo, Respubliko Makedonujo, Albanujo kaj Serbujo [11]
Rim.: Post nomkvereloj kun loĝantoj de la samnoma nordgreka regiono oni renomis la Respublikon Makedonujon al Nordmakedonujo en 2019.

8. Oficiala Informo de AdE, numero 12
9. La Nova Testamento, La agoj 16:10
10. La Nova Testamento, La agoj 19:21
11. Vikipedio, Bulgara abio

: Ŝtato en la suda Eŭropo kun ĉefurbo Skopjo, limanta kun Albanujo, Bulgarujo, Grekujo kaj Serbujo: Nord-Makedonujo, en longa formo Respubliko Nord-Makedonio […] estas unu el la ŝtatoj naskiĝintaj post la disiĝo de la Socialisma federacia respubliko Jugoslavio, disde kiu ĝi deklaris sian sendependecon en 1991 […] la 12-an de Junio 2018, post 27-jara disputo pri la nomo, la Makedonia kaj Greka ĉefministroj provizore interkonsentis, ke la nova nomo estos Respubliko Nord-Makedonio [12].

12. Vikipedio, Nord-Makedonio