alban/o

⁸albano

1.: Ŝtatano de Albanujo.
2.: Homo kun albana nacieco: estis Albanoj, kuraĝaj homoj, kiel diris mia patrino [1]; ĉiujare ekde 1988 estas minimume 100 albanoj en Kosovo mortigitaj de jugoslava polico kaj armeo [2]; la urbo Kosovska Mitrovica […] estas plu dividita je du partoj ― serboj, loĝantaj norde, kaj albanoj sude [3]; Mimoza estas albanino loĝanta en Örebro, Svedio [4].

Rim.: Albano estas ankaŭ nomo de sanktulo: la preĝejo de la sankta Albano [5].

1. H. C. Andersen, trad. L. L. Zamenhof: Fabeloj, vol. 1, Ligo de amikeco
2. Zlatko Tišljar: Nekredeblaj malveroj, Monato, 2000/03, p. 12-13
3. Evgeni Georgiev: Atenco ne preteratentita, Monato, 2000/06, p. 8
4. Monato, Bardhyl Selimi: Duonislamano duonferio
5. H. C. Andersen, trad. L. L. Zamenhof: Fabeloj, vol. 4, Sonorila profundo

: Rilatanta al albanoj, ilia nacieco aŭ ŝtato: la albana parlamento [6]; pli ol 150 lingvoj, inter kiuj la afrikansa kaj la albana, la ĉina, korea […] [7]; la albanaj kosovanoj [8]; la kontraŭalbanaj teroraĵoj de februaro 1945 [9]; la albana etno en Makedonio povus profiti de la nova prezidento [10].

6. Bardhyl Selimi Mezini: Diktaturo de impostoj, Monato, 2000/05, p. 6
7. Paŭl Peeraerts: Por lingvemaj komputilemuloj ..., Monato, 1995/06, p. 22
8. Michel Duc Goninaz: Eks-Jugoslavio: kiu kiun mistifikas?, Monato, 2000/06, p. 8
9. Michel Duc Goninaz: Eks-Jugoslavio: kiu kiun mistifikas?, Monato, 2000/06, p. 8
10. Evgeni Georgiev: Nova ŝanco por ĉiuj etnoj, Monato, 2000/03, p. 10

: Ŝtato en la sudorienta parto de Eŭropo sur la Balkana duoninsulo: en la nuna Albanujo […] atingis lin printempe de la jaro -44 la novaĵo pri la mortigo de Cezaro [11]; Ferenc Nopcsa: […] liaj ĉefaj esplorkampoj estis la dinosaŭroj kaj la geologio de Albanujo [12]. Albanio

11. Vikipedio, Aŭgusto Cezaro
12. Vikipedio, Ferenc Nopcsa