^*lac/a ^PV

1.

Sentanta sin malvigla, bezonanta ripozon pro eluzo de siaj fortoj per troa penado: Esav venis de la kampo kaj estis laca [1]; vi estis laca kaj multelaborinta [2]; [ili] estis tro lacaj, por transiri la torenton [3]; ili estis lacaj de la nokta dancado [4]; la stomako estis malplena, la korpo estis laca [5]; li sentis sin tiel laca, lia kapo kliniĝis, liaj okuloj fermiĝis por ripozo [6]; laca pro longa vojaĝo [7]. dormema, konsumita, malfreŝa

2.

(figure) Tedita de ia okupo kaj deziranta ĝin rezigni aŭ ĉesigi: mi estas laca pro viaj senĉesaj petoj; laca de la vanaj klarigoj [8]; laca de la plezuroj [9]; laca de la piaj okupoj en la templo [10]; lacaj de la sendanka laborado, ni kun malespero kaj apatio lasus fali la manojn [11]; se vi estos lacaj de ludado, atendos vin […] scenejo de intima teatro [12].

Tre laca: ekkaptitoj plorantaj, […] virinoj lacegaj kaj palaj [13]; fraŭlino de Prelongo ŝajnas pli lacega ol danĝere vundita [14]; lacega pro transfuzio [15]. elĉerpita²astenia

Kiu konsumas la fortojn, malvigligas: bone aranĝita lito atendas lin post la laciga taga vojaĝo [16]; komenciĝis […] vivo tre laciga, kian li tute ne atendis [17]; laboro enuiga, laciga, ne permesanta libere ekspiri ^Marta ; en siaj bienoj li facile trovos por vi oficon, malpli lacigan ol la via kaj pli profitan [18].

(tr)

Konsumi la fortojn, la viglon: la tro multa parolado lacigas lin [19]; ŝajnas, ke la unuaj tagoj de l' regado lacigis vin [20]; mi kuŝiĝos, la vizito lacigis min [21]; ŝia penegado sin mem konsumadis en la febro, lacigis la korpon kaj la spiriton ^Marta ; li bezonis marŝadi kaj lacigi siajn muskolojn [22]; laboro lacigas, sed akiro ĝojigas ^PrV . elĉerpi¹

(ntr)

Eksenti mankon de forto, bezonon de ripozo: ĉar ŝi tedadis lin per siaj vortoj ĉiutage kaj turmentadis lin, lia animo morte laciĝis [23]; mi ne volas forsendi ilin fastantaj, por ke ili ne laciĝu sur la vojo [24]; fratoj, ne laciĝu en bonfarado [25]; tridek-tri fojojn ĝi kantis tiun saman pecon kaj tamen ne laciĝis [26]; Kandid ne laciĝis admiri la motivon de sia liberiĝo [27]; vi laciĝis irante al ni ^Marta ; volanta kruro ne laciĝas de kuro ^PrV .

Ne sentanta laciĝon; ne ĉesiganta sian aktivecon: senlaca laborado [28]; en sia profesio ŝi estis diligenta kaj senlaca [29]; la senlaca sibletado de cikadoj [30]; ŝi komencis labori kun sama nelacigebla energio kiel iam Kajsa [31]; [li] estis nelacigebla en la rakontado kaj […] komencis ankaŭ elmontradi al li certan sindonemon [32].