^*fajf/i ^PV

(x)

Estigi akutan sonon blovante tra fendo.

a)

Estigi akutan muzikan sonon, blovante tra lipoj, beko aŭ speciala ilo: fajfas merlo; li fajfis kanton de la amkantisto Walther von der Vogelweide [1]. mi fajfos al ili kaj kunvenigos ilin [2]; fajfis la vespertoj, kaj la kokinoj kriis [3]; la sturno fajfis en la malgranda verda kaĝo [4]; li fajfas arion sur la fluto [5].

b)

Estigi akutan intensan nemuzikan sonon per ia ajn rimedo: la knaboj fajfis tra la fingroj [6]; la vento fajfis antaŭ mia nazo [7]; super la kapo de l' princo kaj de lia sekvantaro komencis sibli kaj fajfi la ŝtonoj [8]; la vento bruis, la kamentubo fajfis [9]; [li] eksvingis la glavon tiel, ke ĝi fajfis en la aero [10]; la lokomotivo fajfis [11]. fluti, sibli

Fajfa sono: eksonis tamburado kaj fajfado [12]; ili ne aŭdis ankoraŭ la fajfon de niaj sagoj [13]! Tutmozis mallaŭte ekfajfis, la fajfo ripetiĝis dekstre kaj maldekstre [14]; la fajfo de la vento kaj la ritma bruo de la maŝinoj de l' ŝipo unuiĝis ^FdO ; li allogis min per pecetoj da pano, per fajfado kaj karesaj vortoj [15]; [mi] ordonas al la aliaj atendi antaŭ la pordego, ĝis ili aŭdos mian fajfon [16]; la fajfo de la lokomotivo [17].

Ilo por fajfi: oni detranĉu al li fajfilon de la saliko ^Fab3 ; Tutmozis en tremantaj manoj tenis la oficiran fajfilon [18]; la trumpetoj, la fajfiloj, la hobojoj, la tamburoj, la kanonoj, formis tian harmonion, kia neniam estis en infero [19]; la laŭdado de Dio pli edife leviĝas el varma homa brusto, ol el malvarmaj fajfiloj de orgeno [20]; [ŝi] eligis kriĉon kiel lokomotiva fajfilo [21]; tuj ektrilis fajfilo de policano, kaj li estis kaptita kiel leĝrompinto [22]; danci laŭ ies fajfilo ^PrV .

Tre brua fajfilo uzata sur ŝipoj, en fabrikoj kaj aliaj lokoj. hupo, sireno³

(tr)

Esprimi malfavoran senton per fajfo aŭ alia konduto.

a)

(frazaĵo) Malŝati, maltimi, neglekti iun aŭ ion: Izrael fariĝos proverbo kaj moko inter ĉiuj popoloj […], ĉiu preteriranto miregos kaj fajfos [23]; al diablo la ortodokson, mi fajfas pri ĝi [24]; mi sendube pentis sed ne volis peti pardonon, kaj baldaŭ mi fajfis pri ŝi [25]; la ŝipeto signalis, sed la ŝipestro fajfis pri tio [26]; skandale kaj nepardoneble estas antaŭprese fajfi pri rigora kontrolado de la presotaĵo [27]; trompemuloj, kiuj vendas dubindajn varojn aŭ rektajn trompojn kaj fajfas pri reputacio [28]; kiam mi aŭskultas muzikon, mi prifajfas la vivon de la artisto [29]. mokfajfi, ŝultrumi

b)

Esprimi konsterniĝon, miron, timon per fajfo: Edom fariĝos objekto de teruro; ĉiu, kiu pasos preter li, miros kaj fajfos pri ĉiuj liaj vundoj [30].

Fajfi signe pri moko, mallaŭdo, malaprobo: la publiko mokfajfas la fiaskon [31]. prifajfi^1.a