^*ekzempl/o ^PV

Aparta okazo de pli ĝenerala afero: ekzemplo de kalkulado [1].

a)

Aparta ago aŭ sinteno konsiderata kiel imiteblaĵo: vi estos terurilo, instrua ekzemplo, kaj mokataĵo ĉe ĉiuj popoloj [2]; mi donis al vi ekzemplon, por ke vi ankaŭ faru tion, kion mi faris [3]; jen tiajn ekzemplojn vi devas sekvi [4]; jen malofta ekzemplo de fideleco [5]; ŝia kunestado povas doni danĝeran ekzemplon por niaj laboristinoj ^Marta ; ekzemplo proponas, sed ne ordonas ^PrV .

b)

Afero prezentata kiel konfirmo por iu aserto aŭ okazo: jen vi havas […] unu ekzemplon de tio, kiel per la plej bagatela rimedo estas atingita plej grandega faciligo [6]; kiel ekzemplon mi rakontos al vi, kion lia ekscelenco Herhor malkovris en la provinco [7]; kiel argumentoj por sia malĝentila teorio la trezoristo citis la ekzemplon de la ĉefpastro [8]. kazo ², okazo ²

c)

Tekstero, kiun oni citas por konfirmi gramatikan aŭ filologian klarigon: oni devas eldoni pli vastajn lernolibrojn […] kun multaj ekzemploj kaj pecoj por traduki [9]; [li] prezentas propran metrikan teorion, kun multaj ekzemploj el poemoj [10].

Jen kiel ekzemplo...: ekzemple jen estis iam bela juna homo […] [11]; ili vendadis plej diversajn spicojn, kiel ekzemple safranon, anizon, zingibron [12]; ekzemple, ni povas diri obei al la patro kaj obei la patron [13]; la sufikso „um“ ne havas difinitan signifon, […] ekzemple: plenumi, kolumo, manumo [14]; mi travivis multon, – ekzemple? li demandis ŝerce [15].

(tr)

Prezenti ekzemplojn pri io: por klarigi mi menciis al li la kutimajn ordenojn […] kaj poste mi ekzempligis ankaŭ la poŝtmark-kolektadon [16]; bele ekzempligas ĉi-lastan trajton la tabelvorta sistemo [17]; li ekzempligas ĉi tiun argumenton per personaj spertoj pri siaj propraj verkoj [18]; tion povas ekzempligi la manio, ĉi-foje ĉefe renkontata ĉe germanlingvanoj [19]; la urbo Dundee havas apartan parolmanieron kiun oni ekzempligas per la langotordanta frazo: „Fehv pehs an an ingin yin an aa“ [20].

1.

Ekzemplo de la kontraŭo de tio, kion iu asertas aŭ povus kredi. la lasta trajto estas frapa kontraŭekzemplo por la Stalina tezo pri nevariema „baza leksiko“ [21]; kontraŭekzemplon prezentas la Historio „Romia“ de Amiano Marcelino: kvankam denaska greklingvano, li tamen preferis verki ĝin Latine [22].

2.

(de predikato `P`) Tia objekto `x`, ke por ĝi la propozicio `P(x)` estas falsa: kontraŭekzemplojn oni ofte uzas por pruvi la falsecon de asertoj de la tipo „por ĉiu `x` veras `P(x)`“.

Neniam antaŭe farita aŭ okazinta, senkompara, senegala: jen senekzempla konfuzo [23]! ĉi tiu senekzempla patrina egoismo, ĉi tiu malamo, ĉi tiu postulemo ^Metrop ; senekzempla noveco de ideoj [24]; oni konstruis kun senekzempla rapideco grandegajn lignajn amfiteatrojn [25]; kazo iom pli malofta, sed ne senekzempla [26]; historie senekzempla katastrofo [27].