¹ekonomi/o

1.

Situacio de institucio aŭ ŝtato laŭ vidpunkto de riĉeco kaj materia prospereco: li ne dediĉis sin speciale al la politika ekonomio [1]; en la landa ekonomio superregas eksportado [2]; malalta kresko de la germana ekonomio en 1999, nome nur 1,5 % kompare al 2 % en la tuta eŭroregiono [3]; la usona ekonomio estus plej trafata de mankanta aŭ tro kosta petrolo [4].

2.

Ekonomiko: verkoj pri ekonomio, politika geografio, […] interŝtataj problemoj [5]; oni trovas tie nelongajn, popularstilajn kaj facile legeblajn materialojn pri […] sociologio, mikrobiologio, ekonomio, medicino [6].

3.

Sistema kaj ŝparema ordo en mastrumado aŭ administrado de domo, bieno, institucio, ŝtato: hejma, socia, monda, agrikultura ekonomio; Selma, kiu havis pli bonan koncepton pri ekonomio, diris al li, ke tiom kaj tiom oni pagas por butero, porkaĵo, lakto ktp [7]; trovi laborlokon, verŝajne ie en la ekonomio [8]; eble li longe restos malsana, ankaŭ tio premos la ekonomion [9]; El fremd-libroj lerninte pri ekonomio, ⫽ Bienojn administris li orde, kun plano; [10].

4.

Atingo de celo per plej simplaj kaj plej efikaj rimedoj; ŝparado: la scienco estas ekonomio pri pensado; la reguleco de la lingvo donas grandegan ekonomion en la nombro de la vortoj, kiujn oni bezonas lerni ^EE ; Afero simpla de ekonomio: ⫽ De l’ fest’ funebra restis multaj manĝoj, – ⫽ Por ke la manĝoj vane ne pereu, ⫽ Edziĝon fari oni nun rapidis. [11].

Rilatanta al la ekonomio: pro ekonomia krizo en la jaro 1873 la linio estis finkonstruita nur en 1897 [12]; daŭra ekonomia kresko kun inflacio neglektinda [13]; merkantilismo estas movado en la ekonomia politiko dum la dua duono de la 17a kaj la unua duono de la 18a jarcento [14].

Fakulo pri ekonomio: kiel ekonomiistoj [...] ĝi rigardas homojn kaj naciojn kiel raciaj kaj egoismaj [15]; okupoj: sociologo kaj ekonomiisto [16]. ekonomo (intendanto)

Ekonomio, en kiu regas precipe merkataj proponoj kaj postuloj, kaj kompaniaj decidoj: merkatekonomio altnivele konkurkapabla [17]; ĉu la hodiaŭa libera merkatekonomio neniel bremsas aŭ eĉ misgvidas la demokration [18]?

Ekonomio, en kiu precipe la ŝtato planas kaj direktas la produktadon kaj ĝian evoluon: La diferenco inter planekonomio kaj merkatekonomio fakte ja ne konsistas en tio, ke la unua planas, kaj la dua ne, sed la maniero de la planado [19]; la kuba ŝtato aliĝas al la socialismaj principoj [...] de [...] plejparte ŝtatkontrolita planekonomio [20].

Speciala organizaĵo de Unuiĝintaj Nacioj, kiu celas plani, kunordigi kaj profundigi ekonomiajn kunlaboron kaj evoluigon: la listo de landoj, kiuj disponigas favorajn impostojn, estas kunmetita de Organizaĵo por Ekonomiaj Kunlaboro kaj Evoluigo (OEKE), kriterio estis aliro al la imposta konkurenco, kiu en tiuj landoj, laŭ opinio de OEKE, estas maljusta kaj nelojala [21].