¹telefon/o ^JED

[telefo.0o.TEL]

Elektra aparato ebliganta interparoladon je distanco per starigo de komunika kanalo inter la partoprenantoj de la interparolo: ŝi krias el la telefono: la germanoj kapitulacis! Norvegujo estas libera ^LGA ! telefonoj tintis, tintigaj kaj teruraj diraĵoj ventege pelis unu la alian ^HsT ; turninte trifoje per la fingro radeton de aŭtomata telefono, li alvokis Vinokurov’on ^Metrop ; vi eŭropanoj estas saĝaj, […] vi inventis ankaŭ vaporŝipon, aeroplanon, aŭtomobilon, elektran lumon, telefonon, telegrafon, radion, kinofilmojn kaj multajn aliajn mirindaĵojn ^Ĉukĉoj ; nia lingvo estas kvazaŭ telefonaparato, kiu bezonas esti fadenligita kun similaj aparatoj por povi utile funkcii ^Lanti . halo, hola, lineo, telefonio, telefonbudo, telefonkarto, telefonkodo, telefonlibro, telefonnumero

1.

[telefo.0a.rilata]

Rilata al telefono: mia telefona sistemo estas eksterordinare kompleksa [1]; poŝtelefona reto [2];

2.

[telefo.0a.per]

Per telefono: temis pri telefona konsultado pri savi perditan leteron en la komputilo de mia avino [3]; maldungi 4000 britojn, kiuj respondas tage al dekmiloj da telefonaj demandoj, kaj ilin anstataŭigi per skipoj de samrespondeculoj en Barato, ŝparos grandajn monsumojn [4].

(tr)

[telefo.0i.TEL]

Paroli per telefono: por pli da informo, mi telefonis al la itala konsulejo [5]; poŝtelefono [ebligas] telefoni ĉiam kaj ĉie [6]; telefonis al mi en Zagreb iu vira voĉo, radioamatoro, kiu diris, ke li „havas Alma el Sarajevo je sia linio“ [7].

Telefonbudo: li jam staris en la plej proksima telefonejo kaj telefonis al sia kolego ^LGA ; li tuj eniris la hotelan telefonejon ^TAA ; ni eniris telefonejon por elekti adreson […], arkitekton, ne estis malfacile trovi sur la urbokarto, kie estas la strato ^KKr .

[telefo.0isto.TEL]

(antaŭ aŭtomata perado) Homo, kiu akceptas vokanton kaj konektas kun la dezirata numero: ĉi tie ĝis la mateno kriis telefonistoj, ĉiuminute elkuradis kurieroj kaj knaris per plumoj skribistoj ^Metrop ; „mil deux cent six? bien, merci,“ diris la telefonistino ^TAA .

[telefo.al0ado.TEL]

Unuopa konektiĝo de telefonoj kaj sekva telefona interparolo: ŝi timis ke ŝi povus maltrafi lian telefonalvokon [8]; li estis minacata de anonimaj telefonvokoj [9]; li restis hejme, por atendi altelefonadon de iu el tiuj institucioj [10].

[telefo.lerta0o.TEL]

Poŝtelefono provizita per telekomputaj kapabloj, fotilo aŭ aliaj funkcioj; kompufono: populariĝo de la lertaj telefonoj [11]; ĝia sistemo estos integrita kun la inteligentaj telefonoj [12].

[telefo.posx0o.TEL]

Portebla senŝnura telefono: la poŝtelefona reto […] transportas nur datumojn [13]; ĉeltelefono devus plifaciligi la kontakton al aliaj homoj [14]; ŝia familio donacis al mi […] sendratan telefonon [15].

[telefo.strat0o.TEL]

Surstrata telefono je publika dispono, kutime instalita en telefonbudo.

[telefo.0numero.TEL]

Numero identiganta unu telefonaparaton: facile estas tiel enmemorigi la telefonnumerojn ^VaK ; oni ricevas retadreson, iom da TTT-spaco, kaj la eblon konektiĝi per telefonnumero [16].