²talisman/o ^JED

Objekto, kiun oni kredas kapabla magie alporti feliĉon, ŝirmi kontraŭ malfeliĉo aŭ produkti mirindajn efikojn; amuleto: la Sinjoro forigos […] la parfumujojn kaj la talismanojn [1]; Pentuer levis alten sian brilantan talismanon kaj faris per ĝi kelke da signoj en la aero [2]; vi, kiu portas sur via brusto nian plej altan talismanon, ĉu vi povas supozi, ke Fenicianoj faras ion por via malutilo [3]? Gedewon (Etiopio) desegnas serion de talismanoj por kuraci la korpon kaj animon [4]; ili do ricevas talismanon, entranĉon en la haŭton, aŭ sorĉon por fariĝi nevenkeblaj [5]; la Barbie-pupo unue estis talismano de vira klubo kaj nur poste ricevis sian nomon [6]. fetiĉo, superstiĉo.