¹interpret/i ^JED

(tr)

1.

[interp2.0i.kompreni]

Klarigi, provi kompreni, malkovri intencitan signifon de io konciza, komplikita, ambigua, dubsenca aŭ alimaniere malevidenta: interpreti tekston, leĝon, sonĝon; la profetanto […] ankaŭ interpretas, por ke la eklezio ricevu edifon [1]; interpreti iun juran regulon [2]; la laŭtparolilo […] de la hejmo interpretis tion kiel ordonon kaj vokis la policon [3]. komenti, malĉifri

2.

[interp2.0i.trakti]

Atribui sencon al fenomeno, ago, vorto aŭ nocio, kaj eventuale prezenti ĝin tia al aliaj homoj: jam en 1905 la Nederlanda Esperantista Societo „La estonto estas nia“ per sia titolo klare interpretis la participon kiel abstraktaĵon, ne ja kiel naskiĝontan personon multaj interpretas deziron kiel bezonon, kaj bezonon kiel rajton [4]. kompreneble, la opoziciaj partioj en Britio interpretis tion kiel subaĉeton fare de la konservativuloj [5]. prezenti, trakti

3.

[interp2.0i.BELA]

Ludi artaĵon atribuante al ĝi personan koncepton de la ludanto: iuj rolistoj interpretas Hamleton kiel fortan karakteron, – aliaj, kiel tre heziteman; muzikistoj kaj aliaj prezentaj artistoj ofte disponas pri ampleksa repertuaro, precipe se ili povas interpreti novajn pecojn [...] post unuafoja perceptado aŭ helpe de notoj aŭ aliaj modeloj [6]. plenumi, prezenti

4.

[interp2.0i.LIN]

Tradukadi dum komunikado (prelego, konferenco, debato ktp), interalie

a)

[interp2.0i.busxe]

Buŝtraduki: li prelegis germanlingve kaj Esperanten interpretis Ursula Niesert [7].

b)

[interp2.0i.geste]

Gesttraduki, traduki parolon en surdulan gestolingvon: ofte, kiam publikaj prelegoj, novaĵbultenoj, ktp estas interpretataj por surdaj „aŭskultantoj“, la sistemo uzata estas ne unu el la signolingvoj preferataj de la surdaj komunumoj, sed laŭvorte tradukita angla, franca, ktp [8]; mi klopodis interpreti (esprimi) mian dankemon per milda rideto [9].

5.

[interp2.0i.KOMP]

Tradukadi kaj tuj plenumadi komandojn per interpretilo: tredkodo estas prezento de interpretata programo, konsistanta el adresoj de subprogramoj, plenumantaj la interpretajn operaciojn ^KomlLeks .

[interp2.0o.KOMUNE]

Vortoj per kiuj oni interpretas: duba interpreto de teksto; interpreto pri la eŭkaristio [10]; la interpreto povas diferenci laŭ interpretanto, sed ĝenerale la simboloj aperantaj en sonĝo estas universalaj [11]; Perry demandas Syôin, tra interpreto de lia adjutanto, kial li volas fari tion [12]. ekzegezo, gloso, hermeneŭtiko, komento

[interp2.0ilo.KOMP]

Programa aŭ aparata rimedo, kiu analizas komandojn aŭ frazojn de la programo kaj tuj plenumas ilin imitante la funkciadon de virtuala komputilo kies komandoj estas la frazoj de la koncerna programlingvo; ĉiu komputilo estas interpretilo por sia maŝinkodo (kontraste al tradukilo, kiu unue tradukas la tutan programmodulon en la cellingvon por nur poste ĝin ruli): kiel Lisp, kaj malkiel Perl, la Piton-interpretilo ankaŭ subtenas interaktivan reĝimon, en kiu esprimoj povas esti enmetitaj de la terminalo kaj rezultoj povas esti tuj viditaj [13]; antaŭ la dua retumila milito en la jaroj 2008-2009 JavaScript-interpretilo estis konata simple kiel interpretilo, kiu legas JavaScript-fontkodon kaj funkciigas la skripton […] responde [14].

[interp2.0isto.LIN]

Homo, kies profesio estas interpreti al fremduloj: la interparolado estis afabla, tiom almenaŭ kiel ĝi povas esti, kiam oni interparolas per interpretistoj; Helsinko rifuzis disponigi interpretistojn por la germana lingvo [15]; la reĝoj havis sonĝo-interpretistojn kaj ĉiumatene, vokinte ilin, la reĝoj rakontis siajn pasint-noktajn sonĝojn [16]; la stelinterpretistoj aŭguris al Bastjano feliĉon kaj gloron [17].