^*traduk/i

(tr)

1.

Transigi iun tekston aŭ konversacion de iu lingvo en alian, anstataŭigante vortojn kaj esprimojn de la unua lingvo per samsencaj vortoj aŭ esprimoj de la alia: traduki el la angla lingvo en la italan; la libroj estis tradukitaj en ĉiujn lingvojn [1]; li tradukis la nomon de la skarabo en la lingvon latinan [2]; ĉiu lingvo servas por esprimi niajn pensojn, sed ne por senpense traduki el aliaj lingvoj [3]; ni povas traduki nur la plej sensignifan parton de la homa literaturo ^EE ; ni devas peni traduki ilian sencon en maniero plej logika kaj internacia [4]; ĝi ne estos tro malfacila por traduki ^Marta . interpreti

2.

Transformi konservante la esencan enhavon: desegnoj kaj fotoj, fakte, ne vere „kaptas“ la realon, sed „tradukas“ scenon tridimensian en dudimensian surfacon [5].

1.

Tradukado: ni ne evitu malfacilajn tradukojn, sed kontraŭe […] ni ilin serĉu kaj venku, ĉar nur tiamaniere nia lingvo plene ellaboriĝos [6] Istubar ne finis ankoraŭ la tradukon de la respondo, kiam Sargon jam alrampis [7]; mi intencis komisii la tradukon al iu alia ^Marta ; mistraduko [8].

2.

Tradukaĵo: traduko el la germana lingvo [9]; mi trovis en la ĉambro de mia amiko polan tradukon de ama poezio de Heine ^IK ; mi neniam antaŭe legis ĝin en (kiel) traduko ^IK ; originalaĵoj kaj tradukoj ^VivZam .

Ago, laboro de tiu, kiu tradukas: maniero de tradukado [10]; verkado, tradukado, korespondado formanĝis grandan parton de la noktoj ^VivZam ; eviti laŭvortan tradukadon el tiu aŭ alia lingvo ^VivZam .

Verko rezultanta el tiu laboro: tradukaĵo el Tolstoja Kredo kaj Prudento ^VivZam ; la eldonisto de alilingva tradukaĵo ne rajtas modifi la originalon [11].

Tiu, kiu tradukas: ili ne sciis, ke Jozef komprenas, ĉar inter ili estis tradukanto [12]; antaŭparolo de la tradukinto [13].

Programo tradukanta de unu formala aŭ homa lingvo (fontolingvo) en alian (cellingvo): tekstoprilaboriloj, tekstoreviziiloj, tradukiloj [14]; la bezono de aŭtomataj tradukiloj por tiu amaso da tekstoj iĝas […] pli akra [15]; aŭtomata tradukilo el la turka al la ĉuvaŝa, kiun nia esplorgrupo disvolvas [16]; la plurlingva tradukilo ebligas spekti dekmilojn da filmitaj signoj, rapide tradukeblaj de unu signolingvo al alia [17]. interpretiloasemblilo

Tiu, kies profesio estas traduki: Sargon proksimiĝis al la estrado kaj diris asirie, kion tuj ripetis tradukisto egipte [18]; ŝi akiros reputacion de bona tradukistino ^Marta .

Vive traduki laŭ la fluo de la parolo; interpreti⁴: la slovakan gvidiston daŭre kaj flue buŝtradukis al Esperanto la organizanto de la ekskurso [19].

Parola traduko (kontraste al skriba).

Malĝuste traduki: proporcia kvanto da tajperaroj, nacilingvismoj kaj mistradukitaj esprimoj [20]; aliaj […] mistradukas kaj misinterpretas la vorton kaj alvokas aliajn al milito [21]; provante translingvigi, oni sekvas ideon, ĝin forĵetas, kaptas alian, ĝin forĵetas, ktp, ĝis restas kelkaj mistradukoj iom malpli misaj ol la aliaj ^BonaLingvo ; PIV deklaras la esprimon „La eternulo“ kaj la formon „Jehovo“ respektive mistraduko kaj mislego de tio, kion ĝi mem nomas „Javeo“ [22].

Rilata al la periodo de programtraduko: traduktempa eraro, kontrolo, komputado; oni povas traduktempe (ne rultempe) aldoni tip- aŭ klasparametrojn, per kiuj precipe la kolektklasoj iĝas tipsekuraj [23]; oni ne ĉiam klare distingas la konceptojn de deklara regiono (koncepto traduktempa) disde vivdaŭro de deklaritaj variabloj [24]. rultempa