²dilem/o^JED

1.

[dilem.0o.rezono]

Rezono prezentanta alternativon inter du kondiĉaj kaj kontraŭaj asertoj, kiuj ambaŭ kondukas al sama konkludo: do jen dilemo: aŭ la bombo estis ĵetita en la maron kaj eksplodis dum la flugo en aero, aŭ iu tuj post la eksplodo kolektis la fragmentojn kaj ĵetis ilin en la maron ^Ĉukĉoj ; dilemo ĉe la kruca vojo: se li forgesas, venas la malĝojo, se li memoras, venas la saŭdado [1]! ili staris antaŭ la klasika dilemo: ĉu ataki la supron aŭ reveni? surgrimpi la supron ili eble sukcesus, sed ĉu ili povus reveni? fine ili decidis reveni [2].

2.

[dilem.0o.situacio]

Situacio nedecidebla, ĉar ĉiu el du kontraŭaj alternativoj estas tro malbona por esti akceptebla, eventuale de po unu konflikta partio, kaj ili do blokas unu la alian: aŭ vin apartigi el tiu viro, aŭ fariĝi lia edzino, tie troviĝas dilemo el kiu vi ne povas eliri ^KPr ; kapoj nun falas - sed […] la dilemo de l' tradiciaj partioj estas ankaŭ, ke ili ne plu disponas pri vere gvidaj personoj […] kaj tio facile kondukas al meza kvalito kaj fine al degenero [3]; la dilemo de UN estas, ke la mondorganizaĵo povas esti nur tiom forta, kiom permesas la gvidaj […] potencoj kun veto-rajto en Sekurec-Konsilio, sed ĝuste tiuj ŝtatoj havas nenian intereson pri Afriko kaj ties konfliktoj [4]; la albana registaro alfrontas dilemon: ĉu komplezi al Usono aŭ al la popolo [5]? la faŭsta dilemo hodiaŭ verdire ĉieas (devi elekti inter mizera vivo aŭ postmorta infero) [6].

3.

[dilem.0o.FIL]

En la logiko refuto de supozo pro la malvero de du sole restantaj ebloj.

aporio, senelirejo²