akumul/i ^PV

(tr)

[akumul.0i.KOMUNE]

Kolekti, amasigi provizon da io: akumuli kapitalon, pruvojn; akumuli varmenergion [1]; la tuta mondo akumulis kolosan neelĉerpeblan sperton pri sano [2]; liberiĝi de la koleron kaj de la streĉo akumulitaj [3]; la cerbo havas limigitan kapablon akumuli informojn [4]; por financi sian dolĉan neniofaradon, li prenis kreditojn kaj fine akumulis ŝuldojn de plurmil eŭroj [5]; Moskvo estis redonanta la ardon akumulitan en la asfalto dum la tago, kaj estis evidenta, ke la nokto ne alportos faciliĝon [6].

Amaso de akumuliĝintaj aferoj: esploristoj de la naturaj sciencoj prezentas mirindan akumulaĵon de misaj kalkuloj, malgravaj malkovroj kaj trompaj evidentaĵoj [7].

[akumul.0igxa.punkto]

[8] (p.p. punkto x en topologia spaco, rilate al subaro A) Tia, ke ĉiu ĉirkaŭaĵo de x enhavas punkton de A, alian ol x. izolita.adhera.

Rim.: Ĉi-sence troveblas „akumulpunkto“ en [9], sed adjektiva formo estas utila kaj ĝi pli nature devenas de „akumuliĝo“ ol de „akumulo“. La formo „akumuliĝa“ aperas en la citita fonto, ŝajne kun la senco, kiun ni prezentas, sed aliloke, en [10], ĝi havas sencon, por kiu ni preferis la terminon „adhera“.

[akumul.0igxi.KOMUNE]

Amasiĝi laŭtempe en ĉiam pli granda kvanto: seniĝi de akumuliĝinta kolero [11]; mi devas verki ion, akumuliĝis tro da nediritaj vortoj, tro da neesprimitaj sentoj [12]; akumuliĝo de […] aferoj [13]; tiu gaso povas akumuliĝi ene de la metroa tunelo, kie betono abundas kaj aero malbone cirkulas [14]! dum miaj 28 jaroj jam akumuliĝis en mi tiel multege da ombroj [15].

[akumul.0ejo.KOMP]

Aritmetika reĝistro en kiu la aritmetikilo ricevas unu el la argumentoj de plenumota operacio kaj en kiun ĝi liveras la rezulton. Ofte tiu rezulto estas argumento de la tujsekva operacio, kiu do havas unu el siaj argumentoj jam preta en la reĝistro; tiamaniere la definitiva rezulto iom post iom „akumuliĝas“ en tiu reĝistro, evitigante registradon kaj relegadon de interaj rezultoj.

[akumul.0ilo.ELE]

Akumulatoro: la unuo enhavas ĉion: la programaron, la antenon, akumulilon kaj malgrandan ekranon kaj parolilon, per kiu TomTom Go komunikiĝas kun la ŝoforo [16]; vindozuloj pli ofte reŝargas sian operaciumon ol mi la akumulilojn de mia Mako [17].