^*teks/i ^PIV1

(tr)

1.

Dense interkrucigi fadenojn por fari ŝtofon: [ŝi] teksis tolon sur malgranda stablo [1]; teksu la ĥitonon el bisino [2]; super mia kapo flugpendas grandega araneo kaj teksas ĉirkaŭ mi retojn [3]; diverskoloraj tapiŝoj, […] en kiujn ŝi enteksis la bildojn de siaj ĉefaj dioj [4]; la tuniko estis senkudra, desupre teksita tra la tuto [5]; freŝe teksita ĉemizo, kovrita per brodaĵoj [6]; (figure) la betuloj enteksis sian helan somerkoloron en la seriozan kaj malbelan koniferarbaron [7]; (figure) ili estas teksitaj el laceco, inerteco kaj samtempe el obstina sed sencela vivovolo [8]. ŝpini, plekti, triki

2.

(figure) Zorge kombini: vi nur teksas belajn kaj delikatajn revojn [9]; [ŝi] sidis kun la etulo sur siaj genuoj, dum ŝiaj pensoj kunteksis ilian komunan estonton [10]; mi finteksis mian vivon […] kaj Li detranĉos min de la teksbazo [11]; Per arta elpensado la trompistoj ⫽ Elteksis reton ĉirkaŭ via kapo [12]; li teksas en si romanon pri la nekomprenata virino [13]; pri eksteruloj oni volonte teksas strangajn kaj timigajn rakontojn [14]. elpensi, ŝpini⁴

Rilata al teksado: la knabinoj […] komencis demandi ŝin pri teksaj aferoj [15]; silk-teksa […] arta laboro [16]; la teksa industrio submetiĝis al la postuloj de la britaj mastroj [17]; or-teksa zono fulmas karabele [18].

1.

Ŝtofo¹ teksita¹: faru maŝojn el blua teksaĵo sur la rando de unu tapiŝo [19]; ilia teksaĵo ne taŭgos por vesto [20]; rigardu la tiamajn vestojn: kiaj brodaĵoj, kia delikateco de l' teksaĵoj, kiom da koloroj [21]! malgranda araneo […] laboreme ŝpinadis super li sian teksaĵon [22]; [per] la dika teksaĵo […] li zorge sin vestis [23]; oni kovris la murojn per teksaĵoj remburitaj, kiuj formis dank’ al sia dikeco veran matracon [24]; li dezirus vesti ŝin per plej multekostaj orteksaĵoj [25]; mantelo el dika, harhava teksaĵo [26].

2.

(figure) Aro da interligitaj aferoj: la princido aŭskultis tiun teksaĵon de mensogoj kun grandaj miro kaj malĝojo [27]; la historio […] detruis la teksaĵon de ŝiaj kombinoj [28]; liaj noveloj estas ofte delikataj lirikaj teksaĵoj sur forte sugestia rakontframo [29]. reto³

3.

histo

Ilo aŭ maŝino, per kiu oni teksas: ili starigis du teksilojn, faris mienojn kvazaŭ ili laboras [30]; la ĉambro estis okupita de teksilo kun mantuka teksaĵo [31]; ŝi pendigis lampon super la teksilo kaj teksadis [32]; oni povas admiri ceramikaĵojn, teksilojn el osto, ligno aŭ ŝtono [33].

Laboristo, kiu teksas hejme aŭ fabrike: miaj tagoj forflugis pli facile, ol bobeno de teksisto [34]; ili estas teksistoj kaj teksas la plej belan ŝtofon [35]; tie estis kvartalo de taglaboruloj, kudristinoj kaj teksistoj [36]; gimnastikon evidente instruis al vi teksisto, kaj konduton forĝisto [37]; oni trovas stratojn de gantisto, kombilfaristo, linteksisto, ĉapelfaristo [38].

Aro da paralelaj fadenoj konsistiganta la fundamentaĵon de teksaĵo; varpo.

Aranĝo de la fadenoj en teksaĵo: la tola teksaranĝo la satena teksaranĝo atlaso, kepro

Hiperteksta sistemo en Interreto, bazita sur la protokoloj HTTP kaj HTML: Linukso estis la unua projekto, kiu sukcesis utiligi la talenton de programistoj ĉirkaŭ la mondo, ĝia komenco koincidis kun la komenco de la Tut-Tera Teksaĵo (TTT) [40]; entreprenoj, kiuj reklamas kaj vendas siajn varojn per la Tut-Tera Teksaĵo [41]; TTT-ejo (vd retejo); TTT-paĝo (vd retpaĝo); TTT-paĝaro (vd retpaĝaro); TTT-legilo (vd retumilo).