^*ŝild/o ^UV

1.

Malmola ŝirmilo, ofte kun insigno, kiun antikvaj militantoj portis per maldekstra brako kontraŭ batoj kaj ĵetoj: la fero de lia lanco havis la pezon de sescent sikloj da fero kaj antaŭ li iris ŝildoportisto [1]; vi iras kontraŭ min kun glavo, lanco, kaj ŝildo [2]; Uzija pretigis por […] la tuta militistaro, ŝildojn, lancojn, kaskojn, kirasojn, pafarkojn, kaj ŝtonojn por ŝtonĵetiloj [3]; (figure) Vi estas mia ŝirmo kaj ŝildo [4]; (figure) kiel per ŝildo Vi ĉirkaŭdefendas lin per favoro [5]; (figure) tenante la ŝildon de fido [6]; (figure) Brumm permane faris ŝildon / por protekti sin de l' vid' [7]. blazono

2.

Protekta objekto aŭ aranĝo simile ŝirmanta kontraŭ atakoj aŭ danĝeroj: elmetita al intensa suna radiado, ĉar efika plumba ŝildo kontraŭ ĝi estus multe tro peza por malgranda spacŝipo [8]; kontraŭvarma ŝildo (aŭ varmegorezista ŝildo) estas protekta tavolo fiksita sur la ekstero de kosmoveturilo [9]; Firefox […] inkluzivas ŝildon kontraŭ ŝprucfenestroj [10].

3.

Tabulo surhavanta surskribon aŭ simbolon klare videblan: videblis deko da homoj kun ŝildoj ekster la flughaveno apogantaj sendependecon de Tibeto [11]; sur la ŝildo bildiĝas la blazono de Ŝetlando: vikinga ŝipo kun devizo en la antikva normana lingvo [12]; pendigado de memorŝildoj (vd memortabulo) sur la domojn, el kiuj sovetiaj esperantistoj estis veturigitaj al prizonoj kaj pereo en la morna tempo de la stalinaj reprezalioj [13]; aŭtoŝildoj el preskaŭ la tuta Eŭropo indikas, ke valoras tiu ĉi tuttaga frankfurta trempiĝo en la mondon de muziko [14]; prezoŝildo [15]; informŝildo [16].

a)

Pendoŝildo: vidiĝas kelkaj butikŝildoj skribitaj en la esperanta: „Vestaĵoj”, „Razejo” [17]; por vino bona ŝildo ne bezona [18].

b)

Tabulo montranta la lokojn, direktojn, instrukciojn al homoj irantaj en publika loko: la germanaj ŝipoj […] pendigas en la haveno grandan ŝildon kun la surskribo: „Eniro malpermesita!“ [19]; ĉe la landlimo, mi vidis grandan mult-lingvan ŝildon bonvenigan [20]; ili regule malrespektas la ŝildojn, malpermesantaj fumadon [21]; oni vidas barilojn aŭ ŝildojn „Privata” [22]. vojŝildo

c)

Nomŝildo: ĉiuj ŝildoj sur la tablo, starigitaj po persono, estis Arabalfabetaj [23]; surstrate aperis homgranda leporo, kiu surhavis ŝildon „Mi ŝuldas“ [24].

Sud-hemisfera stelfiguro (Scutum): NGC 6649 estas malfermita stelamaso en konstelacio Ŝildo [26].

Tabuleto montranta nomon aŭ aliaj informojn, ofte lokita ĉe pordoj kaj sonoriloj, sur la tabloj, sur la sidlokoj aŭ sur la brusto: „jen la ŝildeto: O.L. Latunskij.“ ^MkM ; sur ŝildeto elgravurita troviĝas surskribo: STARIGITA DE TUTMONDA ESPERANTISTARO [27].

Tabulo en formo de militŝildo, sur kiu estas pentrita blazono de iu nobelo, regno, urbo, korporacio, aŭ simila: en sia blazonŝildo ili havis cikonian flugilon kun fiŝvosto [28]; [sur la] seĝodorso vidiĝis la nobelŝildo de Prelongoj [29]; la familia blazonŝildo troviĝas tuje malsupre de la fenestro [30].

Tabuleto montranta la nomon de sidanto en konferenco, la nomon de loĝanto apud dompordo aŭ simile: sur la muro pendas senmakula kupra nomŝildo [31]; pluraj de tiuj nomoj denove troveblos […] kiel pordoŝildoj [32]; homo kiu doktoriĝis en Rumanio sed vivas en Germanio, devas nomi sin „Dr. (RO)“ sur sia nomŝildo [33]. nomkarto

Tabuleto pendigita super butiko aŭ gastejo kun signoj aŭ skribaĵoj anoncantaj la specon de komerco: la butikistoj tuj deprenis sian pendoŝildon [34]; vidiĝas kelkaj butikŝildoj skribitaj en la esperanta: „Vestaĵoj“, „Razejo“ [35]; [liaj gepatroj] fondis felnegocejon en la strato Tupin, […] lin fascinis la ekzota pendoŝildo de tiu vendejo [36].

Ĉestrata ŝildo, ordinare normigita, surhavanta simbolon aŭ instrukcion al veturantoj: trafikŝildo atentiganta pri stratĝibo [37]. signalo

Ĉevoja ŝildo surhavanta informon pri direktoj kaj celoj al veturantoj kaj irantoj: vojŝildo montras, ke oni atingas la stacidomon de Leŭtzsch post 1,8 km-oj [38]. vojmontrilo