²pled/i

(ntr)

Paroli antaŭ juĝisto por defendi sian propran aferon aŭ tiun de sia kliento: vi ne trovos advokaton por pledi en tia afero; li pledis antaŭ la cezaro kontraŭ la mortkondamno [1]; en la senato neniu voĉo ekpledis pro la kristanoj, ĉar neniu volis riski malfavoron de la cezaro [2]; ŝajnigante ke li pledas por la konspirintoj, li vekas ankoraŭ pli fortan indignon kontraŭ ilin per sia konscie lama defendo [3]; el la homamaso ili elpaŝigis Aleksandron, […] kaj Aleksandro gestis per la mano, kaj ekprovis pledi antaŭ la popolo [4]; li pledis ĉe Dio kontraŭ Izrael [5]; se mi estus koninta nur vian venĝan kulpigon, eble mi penus min senkulpigi, pledi antaŭ vi [6]; [li] petis, ke oni montru al li la kortumon, la parlamenton, oni diris, ke da ili ne ekzistas, kaj ke oni neniam pledis [7]; (figure) gravaj argumentoj pledas por la ĝenerala akcepto de Esperanto kiel internacia lingvo. absolvi², apologio, senkulpigi¹

Tiu, kiu pledas: la pledanto proponis la priesploron de la menso de la akuzito, ĉar la krimo estis tiom terura [8]; miaopinie ĉiuj pledantoj por la homaj rajtoj devas amase ekbojkoti la elekton [9]. advokato, porparolanto