koleg/o

^*kolego

1.: Ĉiu el tiuj, kiuj plenumas saman oficon, profesion aŭ metion, konsiderata rilate al la aliaj: miaj kolegoj-artistoj [1]; tiu oficisto […] iafoje parolis kun sia kolego [2]; viaj estroj estas perfiduloj kaj kolegoj de ŝtelistoj [3]; Maziero, lacega pro transfuzio, emocioj kaj maldormo, petis de unu el siaj kolegoj, ke li bonvolu lin anstataŭi, dum li ripozos kelkajn minutojn [4].
2.: Ĉiu el la anoj de sama societo aŭ asocio, konsiderata rilate al la aliaj anoj: Kroziero estis malnova licea kolego [5]; kiam mi revenas vespere en la monaĥejon, mi emas rompi al mi la kapon kontraŭ la murojn de l' dormejo, kaj ĉiuj miaj kolegoj havas saman emon [6]; kiaj kolegoj, tiaj kutimoj ^PrV; ne estas piediranto kolego al rajdanto ^PrV.
3.: Tiu, kiu studas, laboras, spertas ion kune kun aliaj: ili estis kolegoj-studentoj [7]; li amikiĝis kun malbonaj kolegoj kaj komencis drinkadi, diboĉadi [8]; ĉu vi volas min akompani? mi deziras havi kolegon de l' vojo [9]; Alfred, ŝia malnova kolego de ludoj, […] jam konis ŝin ja kiel tre malgranda infano [10]; kune kun ili mi estis milita kolego el Pilo [11]; nia diligenta kolegaro en laboro paca ne laciĝos [12]. akompananto, kamarado, kunulo, samklasano

1. Hendrik J. Bulthuis: Idoj de Orfeo, Kvina Parto
2. B. Prus, trad. Kazimierz Bein: La Faraono, vol. 1, Ĉapitro XIX
3. trad. L. L. Zamenhof: La Malnova Testamento, Jesaja 1:23
4. Henri Vallienne: Ĉu li?, Ĉapitro Dua
5. Henri Vallienne: Kastelo de Prelongo, Ĉapitro Deka
6. Volter, trad. Eugen Lanti: Kandid aŭ la optimismo, Ĉapitro XXIV
7. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
8. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
9. L. L. Zamenhof: Dua Libro de l’ lingvo Internacia, Dua Libro de l' Lingvo Internacia
10. Charles Dickens, trad. L. L. Zamenhof: La Batalo de l' Vivo, La Batalo de l' Vivo
11. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
12. L. L. Zamenhof: La Espero

angle:: colleague 2. associate 3. classmate, schoolmate, comrade, coworker, co-worker
beloruse:: калега
ĉeĥe:: druh, kamarád, kolega
ĉine:: 同人 [tóngrén], 同僚 [tóngliáo], 同事 [tóngshì], 工友 [gōngyǒu]
france:: collègue
germane:: 1. Kollege 2. Vereinskollege, Parteigenosse (DDR) 3. Kamerad, Genosse (DDR), Kollege, Mitarbeiter, Mitschüler, Kommilitone, Studienkollege
japane:: 同僚 [どうりょう], 僚友 [りょうゆう], なかま, 同業者 [どうぎょうしゃ]
nederlande:: 1. collega 2. collega 3. medeleerling, medestudent, klasgenoot
pole:: kolega
rumane:: amic, coleg, prieten
ruse:: коллега
slovake:: druh, kamarát, kolega
ukraine:: колеґа, товариш по роботі, товариш

: Kuniĝo de kolegoj, de samranguloj kune oficantaj; kolegio¹: trinkante sian glason en gaja kolegaro [13]; en ĉiu kvartalo troviĝis biciklo […] atendanta oportunaloke, ke membro de la kolegaro ĝin ekuzu [14]; la unua libro de la eldona kolegaro Akileo aperis [15]; al la grandioza tradukinto Lê Cao Phan kaj al la diligenta kolegaro, kiu kunlaboris kun li […] mian aplaŭdon [16]. brigado², skipo, taĉmento^1.b

13. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
14. Johán Valano: Ĉu rakonti novele?, Spiona rondo
15. La Ondo de Esperanto, 2002, №1
16. P. Dasgupta: Inaŭgura parolado en Hanojo, libera folio, 2012-07-29

: Rilato inter kolegoj: estinta kolegeco donas al mi la rajton eĉ por kelka nediskreteco rilate vin ^Marta; li estus prezentonta nur la maljuniĝintan memoron de ilia iama kolegeco [17]; feliĉe amikeco transvivas kolegecon [18].

17. Henri Vallienne: Kastelo de Prelongo, Ĉapitro Deka
18. La Ondo de Esperanto, 2003, № 5 (103)

: Pensmaniero komuna al la diversaj membroj de kolegaro, kontraste kaj kontraŭe al tiu de alia kolegaro. korporaciemo