fluktu/i ^PV

(ntr)

1.

Neregule varii ĉirkaŭ averaĝa stato aŭ inter ekstremoj: la tuta rezulto de la libroservo fluktuas malpli ol la vendoj en UK [1]; la prezidanto Richard Nixon dekretis ke la usona mono ne estos plu konvertebla en oro, ĝi estis ekde tiam nur papero, fluktuante laŭ la kapricoj de la merkatoj [2]; la publika opinio fluktuas konsiderinde kaj minacas turni sin al la plej radikalaj solvoj [3]; Belgio ankoraŭ konservas fortajn ligojn kun sia ekskolonio Kongo, sed la rilatoj ofte fluktuis pro belga malaprobo pri missituacioj en Kongo [4]. alterni, flirti¹, intermiti, ondi, oscili, ŝanceliĝi, ŝvebi³

2.

Pri fluaĵo: moviĝi sub la haŭto.

La variado de io fluktuanta: kurzfluktuoj [5]; oni vidas pintan kurzon (30 dolaroj) kaj poste fluktuon inter 5 kaj 20 dolaroj, malstabilecon tute ne akcepteblan por komerco [6]; kelkajn nutraĵmerkatojn inundas eksteraj spekulantoj, kiuj per multe da mono esperas atingi rapidajn gajnojn, ili kaŭzas grandegajn prezfluktuojn, supren kaj malsupren [7]; surprizis la preciza korelacio, kiun vi observis inter la sunfunkcioj kaj la fluktuado de kelkaj malsanoj ^VaK ; la planeda gravito translokas tien reen la centran stelon iomete, tiel kaŭzante koloran fluktuadon de la stela lumo [8]; por ne kaŭzi socian fluktuadon, la registaro ĉiam malavare donas al senlaboraj gejunuloj monhelpon, por ke ili havu minimuman viv-garantion [9]; leganto […] povas sin lasi al la melodio de la ritmo: la verko de Berveling estas konceptita por amantoj de tiu mirinda fluktuo de sonoj kaj de akcentoj […] populara en la helena kaj latina tempoj [10]. fado