^*ekzerc/i ^UV

(tr)

1.

Lertigi per la praktiko: ekzercu vin al pieco [1]; ekzerci la soldatojn [2]; vi lernos flugi, mi jam bone ekzercos tion kun vi [3]! en la lernejo […] oni ekzercis (vd instrui) vin en la skriboj [4]; [ili] iomete legis kaj ekzercis sin per babilado [5]; grandaj oratoroj ekzercis multe sian voĉon en la komenco [6]; sin ekzerci en parolado [7]; pacience ekzercadi sian orelon, ĝis oni alkutimiĝas al klara diferencigado de la multaj reciproke tre simile sonantaj vortoj [8]; niaj kongresoj estas ekzercanta kaj edukanta antaŭparolo (enkonduko) por la estonta historio de la interfratigita homaro [9]. disciplini, dresi, hardi, trejni

2.

Apliki por lertiĝi: iliaj granduloj ekzercas aŭtoritaton super ili [10]; se mi ekzercus la kuracarton, ĉiutage mi riskus vidi aliajn agoniojn [11]; fine la jaroj pasigitaj […] en absoluta soleco […] ekzercis sur ŝi kvietigan influon, kiu ŝin plimalardigis [12]; en Nederlando estis en la 16-a jarcento tre popularaj la t.n. „retorikaj ĉambroj“, […] en kiuj ili pli ekzercis literaturon per deklamadoj [13]; mi devus ankaŭ ekzerci instruadon, li diris, se vi estus tiel afabla, vi rolus kiel lernanto, kaj mi instruus [14]; tiel ŝirmitaj kontraŭ ia ajn malfeliĉaĵo, […] kredeble neniam Kamuŝo aŭ lia edzino trovos okazon ekzerci sian sindonemon [15]; la uzon de tiuj esprimoj […] li povis ekzerci, ilin elparolante en momentoj taŭgaj [16]. elprovi, lerni, praktiki

Io por ekzerci sin aŭ aliajn: ekzerco de legado [17]; gimnastikaj ekzercoj [18]; ia regimento faras ekzercojn [19]; Matildo fervore amuziĝis per ekzercoj de rajdarto [20]; tiuj ekzercoj, taŭgaj por […] studentoj, ne taŭgis plu por ilia aĝo kaj ilia situacio [21]; ĉiu parolado prezentas samtempe novan ekzercon de la voĉo [22].

Ago ekzerci: korpa ekzercado malmulte utilas, sed pieco utilas al ĉio [23]; ekzercado de soldatoj [24]; li sidiĝis teren, en la mezo de la salono, muelita kaj disrompita de la tia danca ekzercado [25]; ekzercado de la voĉo estas necesa al ĉiu komencanto [26]; ŝi iris hieraŭ vespere al la popolparko en Torento, kaj post la tiea nokta ekzercado ŝi certe ne estas vekebla [27].

Kolekto de ekzercoj, ofte kun kreskanta malfacileco ebligante plenan akiron de iu kapablo: ekzercaro de la lingvo internacia „Esperanto“ [28]; konkordanco de la vortoj de Ekzercaro [29].

Sin ekzerci: ili ekzerciĝis ĉiutage [30]; la elfknabinoj ekzerciĝas en novaj dancoj [31]; la sinjoro […] montris arbaron de lancoj de la soldatoj, kiuj ekzerciĝis en la korto [32]; ekzerciĝi en Esperanta parolado [33]; por forigi la timtremon estas tre konsilinde ekzerciĝi kiom eble plej multe [34].

Lerteco akirita de l' ekzerciĝado: la kaŭzo de la balbutado kuŝas ne en la lingvo, sed nur en la nesufiĉa ekzerciteco de la diritaj personoj [35]; ŝiaj fingroj perdis la ekzercitecon kaj konfuziĝadis sur la klavoj ^Marta ; nenio en la mondo […] povis konkuri en la fleksiĝemeco de iliaj movoj, kun la elasteco de iliaj saltoj, kun la […] perfekta ekzerciteco de iliaj langoj ^Marta .

Ekzerco de verkado celanta mastrigi ian apartan stilon, ofte super nur formala temo: „Stilekzercoj“ (franclingva verko de R. Queneau) [36]; se ankaŭ miaj venontaj stilekzercoj estos bonaj, mi certe ricevos ankaŭ denove la noton „bone“ [37]; [ĉu] temas pri publikigitaj partoj de iu granda romano aŭ simple pri stilekzercoj [38]?