⁸Amerik/o ^ZR

La mondoparto inter Atlantiko kaj Pacifiko: mi staras en Ameriko ĉe unu el la grandaj riveroj [1]; eltrovi la jam eltrovitan Amerikon [2]; kiam mi decidis veni al Ameriko, mi konfesas, ke mi komencis mian vojaĝon kun iom da dubo, ŝajnis al mi, ke Usono estas ankoraŭ tro juna en nia movado por fari Kongreson [3].

Rilatanta al Ameriko: en la mano li portis bastonegon el mahagona ligno elhakitan en la Amerikaj mahagonaj arbaroj [4]; la malkovrinton de mondo, lin, kiu levis super la maron kaj donacis al sia reĝo la Amerikan orlandon, oni rekompencas per feraj ĉenoj [5]; la Volapukistoj havis por sia agitado grandajn rimedojn kaj agadis per la plej vasta pure Amerika reklamo [6]; antaŭ dudek jaroj la Amerika Filozofia Societo volis preni la aferon de lingvo internacia en siajn manojn [7].

Loĝanto de Ameriko: „en Eŭropo ekzistas multe da vidindaĵoj!“ diras la juna Amerikano [8]; se ĉiuj almenaŭ la Eŭropanoj kaj Amerikanoj aligos al si tiun ĉi lingvon […] [9]; en tia okazo cent milionoj da kulturaj amerikanoj estas fremduloj en sia hejmo ^Homaranismo .

Rim.: Oni ne konfuzu la vortojn amerikano kaj usonano.

La parto de Ameriko etendiĝanta de Gvatemalo ĝis Panamo: la Amerika komisiono (AK) […] konsistas el 2 komisionanoj por Nord-Ameriko, 2 por Centr-Ameriko kaj Kariba Maro kaj 2 por Sud-Ameriko [10]; Tibor Sekelj loĝis en Argentino dum dek jaroj kaj kvin pliaj en Centrameriko [11]; por homoj kiuj venas de Eŭropo, Centrameriko aŭ Nordameriko, Fortalezo estas survoje al Bonaero [12].

Sud- kaj Mez-ameriko, ĉar ili estas precipe latinidlingvaj (hispan- kaj portugal-lingvaj): Latinameriko fariĝis mia hejmo [13].

La norda kontinento de Ameriko (aŭ la parto etendiĝanta ĝis inkluzive de Meksiko): la Unuigitaj Ŝtatoj de Nord-Ameriko [14]; de la komenco de la jaro 1891, post longaj kaj detalaj traktadoj inter Nord-Ameriko kaj Germanujo, oni fine decidis, ke ĉiu vaporŝipo devas esti akompanata de amerika kaj germana poŝta oficisto [15]; 1963 […] estis fondita ankaŭ Junularo Esperantista de Nordameriko [16].

La suda kontinento de Ameriko: mi klarigis al li […] la komunecajn ŝtatojn de la dominikanoj kaj de la jezuitoj en Sudameriko [17]; kial Sud-Ameriko ne rolas pli aktive en Unuiĝintaj Nacioj [18] Volter aludas al la alpako, al la lamao, al la vikuno, kaj aliaj remaĉuloj, kun flavruĝaj haroj, el Sud-Ameriko [19].