⁸Afrik/o ^JED

1.

La mondoparto sude de Eŭropo: Aleksandro ekvolis iri Afrikon ^FK ; la palmobranĉoj de Norda Afriko [1]; la maljuna viro laŭte legadis pri Afriko, pri la grandaj arbaroj kaj elefantoj [2]; la cikonio rakontis pri la varma Afriko, pri la piramidoj kaj pri la struto kiu galopas tra la dezerto kiel sovaĝa ĉevalo [3].

2.

La kontinento sude de Eŭropo (sen Madagaskaro): pluraj etnoj konsistigas la popolon de la nigra kontinento Afriko, kion montras ankaŭ la diverseco de lingvoj, parolataj tie [4]; Afriko estas ankaŭ kontinento, kie, laŭ opinio de plimulto da sciencistoj, unuafoje naskiĝis la viruso, provokanta ĉe homo la tiel nomatan sindromon de imunoperdo, tio estas aidoso [5].

Loĝanto de Afriko: la Afrikano kun la maldelikataj vizaĝtrajtoj, la dikaj lipoj, la nigraj krispaj haroj, sidas sur la marmora ŝtuparo de la palaco en la ĉefurbo de Portugalujo kaj petas almozojn [6]; por perforta kaptado de sklavoj eŭropanoj dungis specialajn trupojn konsistantajn el afrikanoj, kiuj penetris multajn regionojn de la kontinento [7]; ĉu afrikanoj […] ne meritas protekton kaj helpon de UN? [8]. negro

Lando en la centra Afriko kun ĉefurbo Bango; teritorio de Respubliko Centr-Afriko, limanta kun Ĉado, Kameruno, Kongo Brazavila, Kongo Kinŝasa kaj Sudano: dekomence iluziaj estis intervenoj en ekzemple Centr-Afriko, Kongo kaj Somalio, ĉar tie malamikaj partioj aŭ tute ne aŭ nur surpapere kapablis interkonsenti [9].

Okcidenta parto de Afriko, limigita de Atlantiko kaj la landoj Maŭritanio, Malio, Niĝero, Niĝerio (inkluzive): la usona prezidanto Barack Obama vizitis la okcident-afrikan ŝtaton Ganao [10].

Lando ĉe la suda ekstremo de Afriko kun ĉefurbo Pretorio. Teritorio de Federacia Respubliko Sud-Afriko. Ĝi limas kun Bocvano, Lesoto, Mozambiko, Namibio, Svazilando kaj Zimbabvo: reprezentantoj de Sud-Afriko [11]; ĝi estas donaco de Sud-Afriko por danki tiujn, kiuj unue navigis al Kabo de Bona Espero [12].