saliv/o

salivo

serĉi 'salivo'

[saliv.0o]

: Senkolora fluaĵo kiu malsekigas la buŝon, sekreciata de specialaj glandoj, kaj kiu enhavas enzimojn kunefikantajn en digestado: li […] furiozis inter iliaj manoj […] kaj fluigis salivon sur sian barbon [1]; ĉe la sola aŭdado jam kolektiĝas al mi salivo en la buŝo [2]! Pasteur posedis eksterordinaran kuraĝon, ĉar li konstante riskis sian vivon, kiam li forprenis salivon el la buŝego de rabia hundo por eksperimenta infektado de kunikloj [3]; ne plu necesas la propra salivo, memgluaj […] la markoj ja estas [4].

1. trad. L. L. Zamenhof: La Malnova Testamento, I. Samuel 21:13
2. H. C. Andersen, trad. L. L. Zamenhof: Fabeloj, vol. 1, Ĝardeno de la paradizo
3. Monato, Vladimir Lemelev: Batalo kontraŭ mortiga malsano
4. Monato, Franz-Georg Rössler: Dumvivaj rabatoj

angle:: saliva
beloruse:: сьліна
ĉeĥe:: slina
ĉine:: 口水 [kǒushuǐ], 唾 [tuò], 唾沫 [tuòmo], 津 [jīn], 涎 [xián], 唾液 [tuòyè], 吐沫 [tùmo], 涎水 [xiánshuǐ], 口沫 [kǒumò], 痰液 [tányè]
france:: salive
germane:: Speichel, Spucke
hispane:: saliva
hungare:: nyál
itale:: saliva
japane:: 唾液 [だえき], つば
nederlande:: speeksel
perse:: بزاق، آب دهان
pole:: ślina
portugale:: saliva
ruse:: слюна
slovake:: slina
svede:: saliv
ukraine:: слина

serĉi 'salivi'

[saliv.0i]

(x)

: Eligi salivon; kovri per salivo: ĉiaspecaj delikataĵoj igis la gastojn salivi [5]; la sulkiĝinta haŭto de la salamandro jukis, […] ĝi salivis iomete la haŭton sub sia larĝa makzeleto [6]; (figure) tiu viro enrampis vian bruston kaj salivis ĝin per la veneno de sia malnobleco [7]. kraĉi, salivumi

5. Johán Valano: Ĉu ni kunvenis vane?, 19
6. Ferenc Szilágyi: Koko Krias Jam!, I
7. Henryk Sienkiewicz, trad. Lidia Zamenhof: Quo Vadis, Ĉapitro XXVII

serĉi 'salivumi'

[saliv.0umi]

(ntr)

: Salivi kaj lasi salivon liki el buŝo: vidante […] vaporumitan panon el maizfaruno, mi salivumis kaj pensis, kiel feliĉe, se mi povus ĝui vaporumitan panon ĉiutage [8]; (figure) partizanoj kaj gerilanoj jam salivumas pro la ideo, ke la princo deĵoros en nur leĝere kirasita skoltad-veturilo [9]. kraĉi, salivi

8. Monato, Wei Yubin: La biciklo de mia patro
9. Monato, Paul Gubbins: Sango kaj rango, 2007