²pension/o ^VdE

1.

[pensio.0o.gastejo]

Domo, kie oni povas konstante loĝi kaj manĝi, pagante interkonsentitan monsumon: unu domo estas uzata kiel pensiono, kies mastro, okupinte por si mem ne pli ol unu ĉambron kaj kuirejeton, forluigas ĉiujn aliajn apartamentojn [1]; tra fenestroj de hoteloj, pensionoj, domoj kaj dometoj, multege da vizitantoj rigardis ĉagrene [2]; necesas mendi hotelon aŭ pensionon minimume unu jaron antaŭ la venonta festivalo [3]; libertempuloj […] plenigis la pensionojn dum julio kaj aŭgusto [4]. gastejo

2.

[pensio.0o.lernanta]

Pensiono¹ ebliganta al lernantoj loĝi proksime de lernejo: li kune iru al la edukpensiono, tie ili ĉiam studadis kune, sin ekzercadis en la latina lingvo [5]; en vesperoj kolektiĝis tie knaboj kaj knabinoj, lokaj kaj el la pensiono, por rajdi [6]; Mme Louise Zimmermann, direktorino de knabina pensiono en Laŭzano [7]; temis pri knabo, sen gepatroj, en lerneja pensiono [8].

Rim.: Alie ol ĉe internulejo aŭ loĝlernejo tia pensiono ne estas administrata de la lernejo, sed private disponigita al malgrandaj grupoj de lernantoj, ofte de instruistoj mem.

[pensio.0ano.lernanto]

Lernanto de pensiono: estis nesufiĉa la salajro, la hejmo devis malfermiĝi al dek kvin ĝis dudek pensionanoj [9]; najbaroj, de kiuj oni petis konsilon, indikis samregionaninon, s-inon Kergaran, kiu akceptis pensionanojn [10]; junaj pensionanoj plejofte dividas dormoĉambron, dum pli maljunaj pensionanoj kutime havas siajn privatajn ĉambrojn [11]; du tagojn poste mi komencis instrui la pensionaninojn de la Sentema Mimozo [12]; la pli junaj pensionanoj, nomis ilin la „fratinoj Brontë“ [13].

[pensio.0ulo.gastejano]

Kliento de pensiono¹: ŝi devis pretigi la kafon, la teon kaj la manĝaĵon por multaj pensionuloj, kaj alportante ilin en la forluigitajn ĉambrojn, ŝi restis ĉiam kelkan tempon [14]; la mastrino loĝis en la unua etaĝo […] kvar bretonaj pensionuloj loĝis en la tria kaj en la kvara [15].