^*luks/o

Elmontrema kaj multekosta pompa brileco en vivmaniero: la reĝo, mirigita de la lukso de la kortego de la papo, diris, ke laŭ la rakonto de la biblio la religiaj kondukantoj vivis malriĉe kaj simple [1]; viro delikata […]tre alkutimiĝinta al lukso [2]; la komercistoj de la tero riĉiĝis per la potenco de ŝia lukso [3]; ŝi portis grandajn briliantojn, donacon de l’ edzo, […] montris al ĉiuj tiun ĉi lukson, ne kaŝante sian feliĉon [4]; oni afable proponis al ŝi, ke ŝi restu en la palaco kaj vivu en lukso kaj ĝojoj, sed ŝi petis nur pri malgranda veturilo kun unu ĉevalo [5]; piecon anstataŭis la lukso, la saĝon la malĉasteco [6]; ho, se mi jam estus […] en la varma ĉambro kun ĝia tuta lukso kaj belegeco! [7]; la pseŭdogeedzoj ne havis sufiĉe da mono por pagi al si la lukson de du loĝejoj, unu en urbo kaj la alian en kamparo [8]; (figure) bonaj faroj estas speco de lukso por la spirito, kies ĉiutaga pano estas la agodevo ^Marta . komforto, pompo, riĉeco, abundecoekstravaganco, snobismo

Elmontranta lukson: Rebeka prenis la luksajn vestojn de sia pli maljuna filo Esav […] kaj ŝi vestis sian pli junan filon Jakob [9]; la suno lumis sur […] la grandajn, luksajn ornamoflorojn interne en la ĝardeno [10]; el la luksaj reĝaj salonoj oni trenis ŝin en malluman, malsekan malliberejon [11]; la plej belaj luksaj rozoj [12]; li alligis sian glitveturileton al glitveturilo granda kaj luksa [13]; en la salono pendis luksaj pentraĵoj kaj staris seĝoj kaj sofoj, tegitaj per veluro kaj silko ^Fab3 ; luksa la vesto, sed malplena la poŝo (murmuro) ^PrV ; pli bona branĉo sennuksa ol kaĝo plej luksa (libero) ^PrV ; vivi larĝe kaj lukse ^PrV . eleganta, pompa, riĉa, superflua

Simpla, modesta: ĉambro senluksa sed komforta; mia paroĥestrejo estas vere senluksa [14].

Havanta malriĉan aspekton: Duponto sin direktis al malluksa trinkejo, kiun li ofte vizitadis [15]; oni metis ŝin en la malluksan liton, delikata tolaĵo ne troviĝis en ĝi [16]; robo, certe aĉetita en plej malluksa magazeno [17]; ŝi luis modestan malnovan domon en malluksa kvartalo [18]. simpla^1.c