^*legom/o

[legom.0o.KUI]

Iu ajn kulturata vegetaĵo kun manĝeblaj partoj (escepte de dolĉaj fruktoj kaj spicoj): foliolegomoj (laktuko, endivio, spinaco, brasiko, cepo k.a.); radikaj kaj tuberaj legomoj (celerio, karoto, rafano, beto, kreno, terpomo k.a.); fruktolegomoj (tomato, kukurbo, melongeno, papriko, maizo, pizoj, faboj k.a.); florolegomoj (florbrasiko, artiŝoko); tigolegomo (asparago, tigobrasiko, poreo, bambuo); ekologia legomo (kulturita sen uzo de ĥemia sterko aŭ insekticidoj); sur la kampoj oni semis la linon, hordeon, fabon, fazeolon, kukumojn kaj aliajn legomojn [1]; el la enŝutita tero kreskis en unu el ili plej bela poreo kiu prezentis la tutan legomĝardenon de la maljunaj geedzoj [2]; sinapa semeto ... estas pli malgranda ol ĉiuj aliaj semoj kiuj estas sur la tero, tamen semite kreskas kaj fariĝas pli granda ol ĉiuj legomoj kaj elmetas grandajn branĉojn [3]; japanoj montras al ĉinoj kiel kultivi bonkvalitajn legomojn taŭgajn por japana merkato kaj rezulte grandkvante importas el Ĉinio [4].