²kontraband/i ^JED

(tr)

Kontraŭleĝe enlandigi komercaĵojn: [ŝi] kontrabandis skotan viskion al Norvegio [1]; en Hamburgo maristoj kontrabandis al lokaj esperantistoj kontraŭleĝajn broŝurojn [2]; (figure) la gasto […] profitante senzorgemon kaj malkleron de la redaktoro, provis kontrabandi (subŝovi) en la gazetaron apologion de Jesuo Kristo [3]; (figure) virusojn la malamiko kontrabandas en komputilajn retojn por kolapsigi ilin [4]. importi

Sekreta importado de komercaĵoj spite al leĝa malpermeso aŭ sen pago de dogano: pro tabaka kontrabando en Britio kutime oni punas per ĝis kvar jaroj da mallibero [5]; kontraŭbatalo de narkotaĵo-kontrabando el Afganio [6]; kelkmiloj, kiuj jam atingis Eŭropon, estos revenigitaj kiel kontraŭleĝaj enmigrintoj, tiel komenciĝos denove la homa kontrabando-karuselo [7].

Komercaĵo kontraŭleĝe enlandigita: trajneto kun 16 vagonetoj por transporti kontrabandaĵojn (ĉefe cigaredojn sed ankaŭ eble homojn el evoluolandoj) [8]; la britoj […] kontraŭleĝe eniris iranan marspacon, kiam ili kontrolis pro kontrabandaĵoj varŝipon [9]; la ebloj ke Albanio fariĝu transira lando de krimeco kaj kontrabandaĵoj de orienta al okcidenta Eŭropo [10].

Homo kiu okaze aŭ vivtene kontrabandas: kontrabandistoj kaj aliaj kun aliaj negocoj, […] pri kiuj oni eĉ ne aŭdacus pensi [11]; Serbio situas sur balkana narkotaĵo-vojo kaj la polico multe laboras kontraŭ kontrabandistoj [12]; hom-kontrabandistoj, pretaj riski la vivojn de la „klientoj“ por ilin transmarigi el la ĥaose senespera norda Afriko al la promesita lando de Eŭropa Unio [13].