kontinent/o

kontinento

serĉi 'kontinento'

[kontin.0o]

1.: [kontin.0o.terkuno]; Granda teramaso, ĉirkaŭita de oceano kaj kiun oni povas trapasi ne transirante maron: en Anglujo jam dum tutaj tri jaroj la lokomotivoj kuradis kaj alportadis grandegan utilon, sur la kontinento de Eŭropo (la kontinenta parto de Eŭropo, kontraste al insula Anglujo) [1]; sub la piedoj la sablo fariĝas pli kaj pli malprofunda kaj el sub ĝi komencas eliĝi kalka ŝtonego kvazaŭ kontinento [2]; efektive tio estas kontinento, eĉ lando, en la mezo de la sabla maro [3]; kiam la kanalo estos preta la tuta fenicia kaj egipta ŝiparo […] atingas tiajn riĉajn landojn, kiujn preskaŭ neeble estas atingi tra la kontinento [4].
2.: [kontin.0o.terparto]; (evitinde) Mondoparto: ni filoj de la malnova kaj maljuna kontinento (Eŭropo) venis al vi kiel gastoj […] kaj ni esperas ke nia voko ne restos vana sed ĝi baldaŭ eĥe resonos en ĉiuj anguloj de via lando kaj tra tuta via kontinento (Ameriko) [5]; invadis Eŭropon ja aliance usonanoj kies dolaro, kulturo, vivstilo poste superregis la kontinenton [6].

1. L. L. Zamenhof: Esenco kaj Estonteco, ĉapitro 1a
2. B. Prus, trad. Kazimierz Bein: La Faraono, vol. 2, ĉapitro 17a
3. B. Prus, trad. Kazimierz Bein: La Faraono, vol. 2, ĉapitro 17a
4. B. Prus, trad. Kazimierz Bein: La Faraono, vol. 1, ĉapitro 6a
5. L. L. Zamenhof: Paroloj, antaŭ la Sesa Kongreso Esperantista en Washington, 1910
6. Monato, Reviviĝas la fantomoj, 1994-05

serĉi 'kontinenta'

[kontin.0a]

: [kontin.0a.GEOG]; Sur kontinento ¹: kontinenta klimato, blokado, breto; la kontinentaj vojoj malaperis kaj la ŝipetoj tiel amase rapidis sur la akvo, ke ili similis foliojn en aŭtuno [7].

7. B. Prus, trad. Kazimierz Bein: La Faraono, vol. 1, ĉapitro 12a

serĉi 'prakontinento'

[kontin.pra0o]

: [kontin.pra0o.GEOL]; Tre antikva kontinento el kiu estiĝis nunaj kontinentoj per drivo: la Tinamedoj devenas el prakontinento Gondvano [8].

8. Vikipedio, artikolo „tinamedoj“, 2007-08-24

serĉi 'subkontinento'

[kontin.sub0o]

: [kontin.sub0o.GEOG]; Parto de kontinento pli-malpli izolita inter maroj, montoj aŭ aliaj baroj, iama kontinento: Hindujo kaj la Araba Duoninsulo estas subkontinentoj de Eŭrazio, iuj konsideras ankaŭ Eŭropon kiel plian subkontinenton; mia lando estas grava lando en mia subkontinento (Suda Ameriko), tamen mi ne sentas min supera rilate al aliaj samkontinentanoj [9]; la loĝantaro ne konsistas el nigruloj sed el enmigrintoj el diversaj landoj de orienta Eŭropo, de la arabaj landoj kaj de la hinda subkontinento [10].

9. Diversaj aŭtoroj: Kontakto 2011-2019, Patriotismo x Ŝovinismo
10. S. Zaft: Du Diaj Monaj Ridetoj, 2007

serĉi 'hinda subkontinento'

[kontin.hinda_sub0o]

: La kontinenta parto de Azio sude de Himalajo: nur en 1957–58 Esperanto iomete ekdisvastiĝis en la vasta hinda subkontinento [11]; en Azio la verb-lasta tipo regas en la hinda subkontinento, ĉar al ĝi apartenas ne nur la hindia, la bengala kaj ĉiuj arjaj lingvoj de Hindujo, sed ankaŭ la tamula, la malajalama kaj la ceteraj dravidaj lingvoj [12]. Hindujo¹

11. Ivo Lapenna, Tazio Carlevaro kaj Ulrich Lins: Esperanto en Perspektivo, Kvara Parto
12. John Christopher Wells: Lingvistikaj aspektoj de Esperanto, 4. Sintakso