¹⁰Kong/o

Nomo de flandra kaj franca kolonioj en Centra Afriko, kiuj en la 20-a jc fondis sendependajn respublikojn: en Kongo post urĝado de UN oni subskribis ankaŭ pactraktaton, en julio 1999 [1]; la lingva situacio en Kongo (la iama Zairio) lasis min perpleksa: la plimulto de la misiistoj tamen venis el Flandrujo, predikis la evangelion kaj instruis en elementaj lernejoj en la flandra [2]; la interna milito kiu okazas en Kongo (Demokrata Respubliko) alportas multajn malfeliĉojn [3]; kiam malaperis prezidanto Mobutu en 1997, la ŝuldoj, kiujn Kongo devis repagi al internaciaj financaj institucioj kaj okcidentaj landoj, atingis preskaŭ 14 miliardojn da usonaj dolaroj [4].

[kong.K0oBrazavila.GEOG]

Lando en la centra Afriko kun ĉefurbo Brazavilo, teritorio de Respubliko Kongo, limanta kun Angolo, Centr-Afriko, Gabono, Kameruno, Kongo Kinŝasa kaj Atlantiko.

[kong.K0oKinsxasa.GEOG]

Lando en la centra Afriko kun ĉefurbo Kinŝaso, teritorio de Demokratia Respubliko Kongo, ĝis 1908 nomata Libera Kongo, poste ‐ Belga Kongo, inter 1971 kaj 1997 nomata Zairo, dum mallonga tempo ankaŭ Kongo-Léopoldville. Ĝi limas kun Angolo, Burundo, Centr-Afriko, Kongo Brazavila, Ruando, Sudano, Tanzanio, Ugando, Zambio kaj Atlantiko.