integr/a ^PV

1.

[integr.0a.kohera]

Kiu prezentas unu koheran nedisigeblan tuton, harmonian en siaj partoj: integra cirkvito; la poemo, laŭ modernaj kriterioj, estas longa ... tamen ĝi havas maloftan integron [1]; estraro povas esti efika nur, se ĝi estas integra teamo [2]; sole en Kebekio la kebekianoj etne formas integran nacion [3]; ili ĉiel atentu ke la urbo estu nek tro malgranda nek tro granda, sed precize sufiĉe granda por esti integra [4]; la kirko de la Sankta Releviĝo […] havas 12 kolonojn integrajn kaj 6 masonitajn [5]. monolita

2.

[integr.0a.sendifekta]

Tute kompleta; el kiu oni forprenis neniun parton: integra kvanto, sumo, liveraĵo; organizaĵo por integra evoluo [6]; almenaŭ 67 % de la homoj posedas en sia biblioteko integran biblion, sed malpli ol 10 % el ĝi ĉerpas ion meditan [7]; konservi la integrecon de la lando; la integreco de deponaĵo. manĝu […] pastaĵojn kaj rizon, preferante eventuale la integrajn (tutgrajnajn) [8].

3.

[integr.0a.MAT]

[9] (p.p. ringo) Sen nuldivizoroj: korpo estas integra ringo; finia, komuteca, unuhava, integra ringo estas korpo.

Rim.: Anstataŭ „integra ringo“ troviĝas ankaŭ „integreca domajno“, ekz-e en MatVort, kiu paŭsas similajn nacilingvajn formojn. Oni ĉiuokaze ne konfuzu la radikon „integr“ kun la homonimo, kiu signifas „integral“ kaj ne traduku „integreca domajno“ per „regiono de integralado“!

4.

[integr.0a.neforprenebla]

(evitinde) Neforprenebla, esenca: en la enkonduko ĉi-foje estas substrekite, ke Kosovo plu restas integra parto de Serbio [10]; BND prognozas, ke „komputiloj, retpiratoj, virusoj kaj trojanaj ĉevaloj estos integraj partoj de internaj kaj internaciaj konfliktoj“ [11].

Rim.: Ĉi tiu signifo integra⁴ estas nemalofta en Esperanto pro la influo de kelkaj nacilingvoj, tamen ĝi malakordas kun la ceteraj, pli gravaj signifoj, kaj estas misgvida por la esperantistoj en kies gepatra lingvo ĉi tiu mallogikaĵo ne ekzistas. Cetere, la PIV-oj ĝin ja ignoras. [Sergio Pokrovskij]

1.

[integr.0i.ntr]

(ntr)
(malofte) Esti integra, kunesti kiel integraj partojn de unu tuto: vi, alianco de ŝtormo kaj fajro, kaj akvo kaj ĉio, | kio tensie integras en kresko kaj forto de l' vivo, | ĉiuj lum-son-elementoj, kaj ĉio kun ĝi kombinita [12].

2.

[integr.0i.tr]

(tr)
(evitinde) Integrigi: Safari estas […] integrita en la makintoŝa sistemo OS X [13]; etnaj popoloj […] integritaj (ofte malvolonte) en vastajn superŝtatojn [14].

Rim.: Ĉi tiun formon naturisme preferas PIV2, kvankam ĝi ne estas akordigebla kun la adjektiva ĉefsenco (tiu de integra). La aŭtoroj de PIV1 pli klare konsciis tion, kaj tial la matematikan homonimon integri prezentis en aparta artikolo (cetere, tiun sencon matematikan pli sisteme kaj klare esprimas integrali). [Sergio Pokrovskij]

[integr.0igi.kunigi]

Kunigi en unu koheran tuton: li (Pierre de Chardin) elpensis kaj proponis novan teorion, kiu ree akordigu la du malamikajn tendarojn kaj ree integrigu Sav-historion kaj Mond-percepton [15]; integrigi en la formalan instruadon, samkiel en la vivlongan lernadon, la scion, la valorojn kaj la scipovojn, kiuj necesas por daŭripova vivmaniero [16]; en la estonteco Ĉina Radio Internacia pluapaŝe integrigos diversajn riĉfontojn kaj pene trovos pli multajn kaj pli bonajn ŝancojn por disvolvado [17].

[integr.0igxi.kunigxi]

Kuniĝi formante koheran tuton: oni devas antaŭ ĉio integriĝi al sia ĉirkaŭo (asimiliĝi) ^PIV1 ; Esperanto integriĝas en la homa psiko je nivelo pli profunda ol ĉiu ajn alia fremda lingvo [18]; departemento pri eŭropa integriĝo kaj internaciaj rilatoj [19]; multaj enmigrintoj ne integriĝas kaj la uzo de la lingvo de Andoro, la kataluna, paradokse iom post iom ŝrumpas en la sola ŝtato kie ĝi estas oficiala [20].

[integr.0ismo.POL]

Senkompromisa defendo de integra doktrino, rigardata kiel laŭ-tradicie konservinda, ne fleksebla antaŭ alia aŭtoritato: la akuzo ankoraŭ diras ke „li favoras profitojn de ĉi tiu ekstera nacio kontraŭ la hispana sekureco kaj favoris la disvastiĝon de religia integrismo“ [21].

[integr.0isto.POL]

Integrismano: la ĉefa grupo de mallaŭdantoj […] konsistigita de fundamentistoj kaj integristoj, nenion kontribuis, valoran aŭ ne, al nia originala beletra prozo [22].