¹⁰era/o ^PV

1.

[era.0o.KAL]

Kronologia sistemo en kiu oni indikas la jarojn relative al iu fiksita komenca tempopunkto (epoko¹); tempokalkulo, jarkalkulo: erao de la Olimpiadoj, de la fondo de Romo, de la Mondokreo; erao de l' Heĝiro; la klasika sanskrito estis studata de la hindaj lingvistoj, antaŭ ĉiuj de la fama Panini, kiu vivis en la kvara jarcento antaŭ nia erao [1]; la imperiestro Hongwu, la unua de la dinastio Ming, en la 14a jarcento […] dekretis, ke la nomo de la erao restu sama dum la regado de ĉiu monarĥo [2]; ĉirkaŭ la komenciĝo de la 4-a jarcento antaŭ nia erao sur la itala duoninsulo troviĝis almenaŭ tri ĉefaj italaj lingvogrupoj kun granda nombro da subgrupoj [3].

Rim.: Tiu ĉi senco estas oficialigita en la 10a Oficiala Aldono.

2.

[era.0o.post]

(figure) La tempodaŭro al kiu oni aplikas la jarkalkulon laŭ erao¹: la galla lingvo apartenis al la kelta familio kaj estis uzata en Gallio antaŭ la kristana erao [4]; li do decidis konstrui nederlandan vilaĝon apud la golfo Oomura, […] kie situis nederlanda konsulejo dum Edo-erao (1600-1868) [5]; post la fondiĝo de Ligo de Nacioj, […] kreskis la esperoj pri nova paca erao kaj kontentiga solvo de mondaj problemoj [6]; la bezonoj de la moderna homo en la kosma erao [7]; en la komenca erao de la personaj komputiloj [8].

3.

[era.0o.GEOL]

Geokronologia tempunuo, entenanta plurajn periodojn, parto de eono: paleozoiko, mezozoiko kaj kenozoiko estas paleontologiaj eraoj ^PIV2 ; erao respondas al kronostratigrafia unuo eratemo ^PIV2 ; [ili] kredis vidi en ili la posteulojn de dinosaŭroj de la Sekundara Erao [9]; limojn de eraoj difinas grandaj movoj de terkrusto aŭ radikalaj ŝanĝoj de organika mondo. arkeano, proterozoiko, paleozoiko, mezozoiko, kenozoiko

4.

[era.0o.epoko]

(evitinde) epoko¹

La tempodaŭro komenciĝanta ĉe la supozita naskiĝo de Kristo en la jaro 1 de la gregoria kaj julia kalendaroj: la klasika sanskrito estis studata de la hindaj lingvistoj, antaŭ ĉiuj de la fama Panini, kiu vivis en la kvara jarcento antaŭ nia erao [10]; proksime al la fino de la dudeka jarcento de nia erao, diversaj scienculoj komencis spekulativi pri ebla ekzisto de alternativaj universoj [11]; anstataŭ „antaŭ Kristo“, „post Kristo“, ili diras kaj skribas „antaŭ la komuna erao“ aŭ „laŭ la komuna erao“ [12]; meze de la tria jarcento de la komuna erao, en la Ĉielan Imperion invadis nordaj barbaroj konsistantaj el diversaj etnoj [13]; la antikva sciulo Strabono (63-20 antaŭ la komuna erao) notis en la sepa volumo de sia Geografio, ke „iliroj kaj makedonoj parolas saman lingvaĵon [kaj] havas similajn morojn kaj kutimojn“ [14].