¹emblem/o

1.

[emblem.0o.simbolo]

Figuro de objekto aŭ estulo konvencie simbolanta abstraktan ideon kiel insigno de ŝtato, korporacio, familio ks: la emblemo de l' faraono estas la serpento [1]; ĉe la butontruo li portis belan blankan rozon... la emblemo de lia graflando ^KKl ; sur la ĉebrustaĵo vidiĝis skarlata, surbrodita figuro de fluganta kolombo – sankta emblemo de la diino Iŝtar ^Iŝtar ; [la] fiŝo iĝis la emblemo de la kristanoj ^QuV ; la glumarkoj havis la emblemon de IJHR kaj la tekston: „Por la Internacia Lingvo – Kontraŭ Lingva Diskriminacio – 1968 Jaro de Homaj Rajtoj“ ^EeP ; mi kreis retejon, novan emblemon kaj nomkartojn por la loka klubo ^Kon11 ; ĉie lumas la samaj emblemoj de la samaj tutmondaj kompanioj [2]; emblemoj, per kiuj oni distingas ŝtatojn, urbojn, nobelojn [3]; la ĥarkiva registaro decidis ŝanĝi la aspekton de la urba blazono, transprenante denove la konatan emblemon kun la korno de abundeco, ĉar ĝuste ĝi plej trafe simbolas la urbon [4]; Dima bele pakis […] ĉion en plastan sakon kun la adreso kaj emblemo de sia vendejo [5]. logotipoalegorio, atributo, blazono, devizo, piktogramo, standardo

2.

[emblem.0o.karta]

Ĉiu el la serioj po 13 ludkartoj signitaj per aparta emblemo ¹: trefo (♧), piko (♠), kero (♡), karoo (♢): oni rajtas per propra karto preni alian de sur la tablo, nur se ambaŭ havas la saman emblemon [6]; se neniu karto estas surtable samemblema, ni simple ĵetos nian karton surtablen, apud la ceterajn, gajnante nenion [7]. koloro