¹simbol/o ^PV

1.

Figuro aŭ objekto konvencie reprezentanta abstraktan ideon; emblemo: super la mortinto flugpendis la simbolo de la animo, nizo kun homa kapo [1]; alportu al ŝi la plej belan rozon […], kiu estas la simbolo de la plej alta kaj plej pura amo [2]; venena cikuto devus esti la simbolo de Atenoj, ne la olivarbo [3]; sur la supro de la pordego oni vidis la […] simbolon de l' ŝtato: globon kun flugiloj, de post kiu elrigardis du serpentoj [4]; kial vi surmetis la simbolon de la reĝa povo [5]? kelke da hieroglifaj simboloj [6]; nomi iun objekton, iun aperaĵon, iun agon signifas koni ĝin ĝis certa grado, signifas sintezi difinitan nocion en unu simbolo – la vorto [7]; oranĝa floro, simbolo de senkulpeco [8]; [ili] ne vidas en la kiso simbolon de amo [9]; la Komodo-varano […] iĝas simbolo de tiuj bestoj kiuj estas malmultaj de sia specio, kaj kiuj devas esti severe protektataj por ke ili ne malaperu [10]. insignoatributo, standardo

2.

Signo, prezentanta nocion de la koncerna fako: li sciis plenigi la murojn kaj barilojn de la strateto desegnante vortojn kaj simbolojn, kies signifojn mi ne konis [11]; $, £, ¥ estas simboloj de naciaj monunuoj; Cu estas la ĥemia simbolo de kupro; ∞ estas la simbolo de malfinio; la morsa kodo uzis simbolojn diftongajn, sed oni malfacile deĉifras formojn kiel aa, ooe ktp [12]; sin, END, := estas simboloj en pluraj programlingvoj. Martinus […] uzas […] 44 simbolojn kun detalaj klarigoj [13]; deĉifri la simbolojn de Signuno [14]. ideogramo, litero¹

Rim.: Oni do distingu la alfabetan signon (literon) C, kiu per si mem ne posedas propran signifon, disde la ĥemia simbolo C, simbolanta karbonon, aŭ matematika simbolo C, prezentanta la aron de ĉiuj kompleksaj nombroj.

(tr)

Esti simbolo de io, reprezenti ion: ĉu la unuaj vortoj estis nomoj aŭ ili simbolis agojn [15]? lia personeco, modesta pri si mem, sed obstina pri la celo […] simbolis revon de multaj koroj nekonataj [16]; ŝi emis mortigi la junulon, kiu simbolis mondon timatan [17]; la nomo de la strato simbolu nian unuecon [18]! leporo simbolas timon [19]; la tutsvisa flago simbolis la finon de la interkantonaj militoj kaj la federalan unuiĝon [20]; la elstaraĵoj sur la surfaco de la budhisma sonorilo simbolas cicojn kaj teneran virinan koron [21]. signi¹, signifi³

(tr)

Prezenti, reprezentigi ion per simbolo: oni simboligas la amon per la rozo; en la landoj latinidaj oni simboligas tiun nombron per `C_4^2`, en la ĝermanaj, per `((m),(n))` [22].

Belarta movado el la fino de la 19a jarcento, ŝatanta simbolajn, misterajn aŭ mistikajn temojn, interrespondojn de diversaj sentumoj kaj belartoj: laŭ la komuna opinio de pluraj esploristoj Balmont estis la unua reprezentanto de simbolismo, kiu ricevis en Rusio […] tutlandan famon [23]; tie estas bonegaj kaj detalaj klarigoj pri la simbola lingvo de la moderna poezio […] temas pri tute nova speco de simbolismo, kiu esprimas la spiriton de la nova homspeco [24].