¹cenzur/i

(tr)

Kontroli publikigadon de informoj, ekz. laŭ politika kaj morala vidpunktoj: akceptinte plian cenzuran oficon, li ĉiuvespere sub la lampo malligis dikan amason da fremdaj gazetoj, kaj, prenante ruĝan krajonon en la mano, tralegadis ĵurnalon post ĵurnalo ^VivZam ; en Boulogne la organizantoj petis, ke Zamenhof rezignu pri la lasta strofo de „La preĝo sub la verda standardo“, ĉar ĝi enhavis la koncepton pri egaleco de „kristanoj, hebreoj aŭ mahometanoj”, en la UK de 1906 oni cenzuris alian parton de lia inaŭgura parolado [1]; mi ricevis cenzuritan leteron de esperantisto en Ĉeĥoslovakio, kiu kontraŭvole metis en sian koverton esperantlingvan propagandan ĵurnalon [2]; respekti mian rajton esprimi mian penson sencenzure [3].

Ago, procedo cenzuri; institucio, kiu estas komisiita cenzuri: for do la grumblantan maskon, la grimacon de l' cenzur' [4]; la rusa cenzuro malpermesis la gazeton en la Imperio ^VivZam ; eksponaĵoj pri la sovetia poŝtcenzuro inter 1945 kaj 1953 en Aŭstrio [5]; konformismo estus laŭ mi fermi la okulojn pri iuj problemoj, ofte pro timo aŭ pro timigo fare de aŭtoritatuloj aŭ pro pura memcenzuro [6]; ĉu temas pri ia redakta aŭ tradukista cenzuro [7]; la amas-komunikiloj preskaŭ ĉiuj jam estas direktataj de cenzuro, libera ĵurnalismo en Rusio malaperis [8]; pentristoj suferis konstantan cenzuron kaj premon en sia krea laboro [9].

Oficisto komisiita por cenzuri: dum du monatoj presprovaĵoj atendadis ĉe la cenzuristo ^VivZam ; la ŝtata cenzuristo certigis, ke neniu maldeca aŭ malpia libro povu esti legata aŭ eldonita en la lando [10]; onidire 40 000 cenzuristoj en Ĉinio kontrolas la reton [11].